ទីភ្នាក់ងារសារព័ត៌មានយ៉ុនហាប់បានរាយការណ៍ថា អាជ្ញាធរកូរ៉េខាងត្បូងបានឃាត់ខ្លួនបុរសម្នាក់ បន្ទាប់ពីបុរសរូបនេះបានចាក់ទៅលើមន្ត្រីប៉ូលិសពីរនាក់នៅខាងក្រៅបរិវេណការិយាល័យប្រធានាធិបតីក្នុងរដ្ឋធានីសេអ៊ូលកាលពីវេលាម៉ោង១និង២០នាទីរសៀលថ្ងៃអង្គារនេះ។
សារព័ត៌មានខាងលើបានរាយការណ៍ថា មន្ត្រីប៉ូលិសម្នាក់ត្រូវបានចាក់ចំ ពោះ និងម្នាក់ទៀតត្រូររបួសដៃខាងឆ្វេង ហើយកំពុងត្រូវបានព្យាបាលនៅក្នុងមន្ទីរពេទ្យ។
បុរសនោះត្រូវបានគេស្គាល់ឈ្មោះថា Park វ័យ៧៧ឆ្នាំបានវាយទៅលើអ្នកយាម បន្ទាប់ពីគាត់ត្រូវបានប្រាប់ឱ្យដើរឆ្លងកាត់បរិវេណនោះឲ្យបានយ៉ាងឆាប់រហ័ស។ប៉ូលិសបានចាប់ខ្លួនបុរសនោះភ្លាមៗបន្ទាប់ពីកើតហេតុ។
មូលហេតុនៃការវាយប្រហារនេះមិនច្បាស់លាស់ទេ ហើយប៉ូលិសមិនអាចទាក់ទងបានភ្លាមៗដើម្បីសុំការអត្ថាធិប្បាយបានទេ។ មន្ត្រីប៉ូលិសម្នាក់បាននិយាយថា ការស៊ើបអង្កេតនឹងត្រូវធ្វើឡើងដើម្បីកំណត់ពីមូលហេតុនៃបទល្មើថាតើគាត់មានប្រវត្តិមានជំងឺផ្លូវចិត្តឬអត់។ លោកបានបន្តថា៖ « ឧបទ្ទវហេតុនេះគឺធ្ងន់ធ្ងរ… ប៉ូលិសគ្រោងនឹងស្វែងរកដីកាចាប់ខ្លួនគាត់ដើម្បីស៊ើបអង្កេតឲ្យបានហ្មត់ចត់។ការចាក់សម្លាប់បានកើតឡើងនៅខាងក្រៅបរិវេណក្រសួងការពារជាតិ និងការិយាល័យប្រធានាធិបតី។ប្រធានាធិបតីកូរ៉េខាងត្បូងលោកយុន ស៊ុកយុល បានផ្លាស់ប្តូរការិយាល័យប្រធានាធិបតីទៅទីតាំងបច្ចុប្បន្នរបស់ខ្លួននៅសង្កាត់ Yongsan កណ្តាលទីក្រុងសេអ៊ូល ពីផ្ទះខៀវដែលបានបម្រើការជាលំនៅដ្ឋានប្រធានាធិបតីចន្លោះឆ្នាំ ១៩៤៨ និង២០២២ ៕