ឥណ្ឌូណេស៊ី ចាប់ខ្លួនពួកសកម្មប្រយុទ្ធ៥៩នាក់ ជុំវិញគម្រោងបំផ្លាញការបោះឆ្នោតឆ្នាំ២០២៤

អង្គភាពប្រឆាំងភេរវកម្មរបស់ប្រទេសឥណ្ឌូណេស៊ីបានចាប់ខ្លួនជនសង្ស័យសកម្មប្រយុទ្ធចំនួន៥៩នាក់រួមទាំងអ្នកស្មោះត្រង់មួយចំនួននៃក្រុមរដ្ឋឥស្លាម Jamaah Ansharut Daulah (JAD) ពីបទមានផែនការរំខានដល់ការ បោះឆ្នោតនាពេលខាងមុខ។ នេះបើតាមអ្នកនាំពាក្យរបស់អង្គភាពប្រឆាំងភេរវកម្មបានប្រាប់សារព័ត៌មានរ៉យទ័រចេញផ្សាយកាលពីថ្ងៃអង្គារទី៣១ តុលា។

ប្រភពខាងលើបានឲ្យដឹងទៀតថា ១៩ នាក់ក្នុងចំណោមអ្នកដែលត្រូវបានចាប់ខ្លួនគឺមកពីបណ្តាញ Jemaah Islamiah (JI) ដែលមានទំនាក់ទំនងជាមួយពួកអាល់កៃដា al Qaeda ខណៈដែលជនសង្ស័យ៤០ នាក់មកពី JAD ដែលបានសន្យាភក្តីភាពជាមួយក្រុមរដ្ឋអ៊ីស្លាម (IS) ។

លោក Aswin Siregar អ្នកនាំពាក្យនៃក្រុមការងារប្រឆាំងភេរវកម្ម Densus 88 បាននិយាយថាក្រុមសកម្ មប្រយុទ្ធ JAD ត្រូវបានគេសង្ស័យថាបានរៀបចំផែនការវាយប្រហារដើម្បីរំខានដល់ការបោះឆ្នោតប្រធានាធិបតី និងនីតិបញ្ញត្តិនៅថ្ងៃទី១៤ ខែកុម្ភៈ។លោក បានប្រាប់សន្និសីទសារព័ត៌មានថាសម្រាប់ពួកគេ ការបោះឆ្នោតគឺ អសីលធម៌ និងប្រឆាំងនឹងច្បាប់អ៊ីស្លាម ។

លោកបានបន្ថែមថាពួកគេមានគម្រោងវាយប្រហារទីតាំងប៉ូលីស។ វាទាក់ទងទៅនឹងគោលដៅចម្បងរបស់ ពួកគេ ដើម្បីលុបចោលការបោះឆ្នោត តែលោកមិនបានប្រាប់លម្អិតបន្ថែមទៀតអំពីផែនការដែលសង្ស័យ នោះទេ។

លោកAswin បាននិយាយថា ជនសង្ស័យត្រូវបានឃុំខ្លួនក្នុងប្រតិបត្តិការចាប់ពីថ្ងៃទី២ ដល់ថ្ងៃទី ២៨ ខែតុលា ហើយប៉ូលីសក៏បានរឹបអូសកាំភ្លើង និងសារធាតុគីមីមួយចំនួនសម្រាប់ផលិតគ្រាប់បែកផងដែរ។ឥណ្ឌូណេស៊ីគឺជាប្រទេសដែលមានប្រជាជនមូស្លីម ច្រើនជាងគេលើពិភពលោកហើយប្រទេស នេះបានឃើញ ការវាយប្រហារដោយសកម្មប្រយុទ្ធជាបន្តបន្ទាប់ក្នុងរយៈពេលប៉ុន្មានឆ្នាំក្រោយថ្ងៃទី១១ខែកញ្ញា ឆ្នាំ ២០០១នៃ ការវាយប្រហារលើសហរដ្ឋអាមេរិក រួមទាំងការទម្លាក់គ្រាប់បែកលើកោះបាលីក្នុងឆ្នាំ ២០០២ ដែលបានសម្លាប់ មនុស្សជាង ២០០ នាក់ ភាគច្រើន ជាអ្នកទេសចរអូស្ត្រាលី។

បេក្ខជនប្រធានាធិបតី Anies Baswedan និង Ganjar Pranowo បានជំរុញឱ្យមេដឹកនាំរក្សា អព្យាក្រឹតភាព មុនការបោះឆ្នោតថ្ងៃទី១៤ ខែកុម្ភៈ ឆ្នាំ ២០២៤ ដែលត្រូវបានប្រកួតប្រជែងដោយរដ្ឋមន្ត្រីការពារជាតិ លោក Prabowo Subianto ដែលកំពុងឈរឈ្មោះជាមួយកូនប្រុសរបស់ប្រធានាធិបតី។

សកម្មជនប្រជាធិបតេយ្យនិងប្រភពនយោបាយបានលើកឡើងពីការព្រួយបារម្ភលើអ្វីដែលពួកគេមើលឃើញថា ការប៉ុនប៉ងរបស់លោកចូកូ វីដូដូ ក្នុងការតោងអំណាច និងកសាងរាជវង្សនយោបាយជាពិសេសបន្ទាប់ពីតុលា ការ ថ្មីៗនេះបានសម្រេចចិត្តកែប្រែលក្ខណៈវិនិច្ឆ័យសិទ្ធិដែលអនុញ្ញាតឱ្យកូនប្រុសច្បងរបស់លោក Gibran Rakabuming Raka ចូលរួមជាមួយលោក Prabowo ៕