លោក Seyed Reza Nobakhti ឯកអគ្គរដ្ឋទូតអ៊ីរ៉ង់ប្រចាំប្រទេសថៃ បាននិយាយថា ចំណាប់ខ្មាំងថៃទាំង អស់កំពុងត្រូវបានរក្សាទុកដោយសុវត្ថិភាពនៅក្នុងទឹកដីប៉ាឡេស្ទីន។
ក្រុមសកម្មប្រយុទ្ធប៉ាឡេស្ទីន Hamas បានចាប់ចំណាប់ខ្មាំងយ៉ាងហោចណាស់២០០នាក់ រួមទាំងកម្មករថៃ ១៩នាក់បន្ទាប់ពីការវាយប្រហារដ៏គួរឱ្យភ្ញាក់ផ្អើលរបស់ខ្លួនលើអ៊ីស្រាអែលកាលពីថ្ងៃទី ៧ ខែតុលា។ថ្លែងនៅក្នុងសន្និសីទសារព័ត៌មានដែលរៀបចំឡើងដោយយុទ្ធនាការសាមគ្គីភាពប៉ាឡេស្ទីននៅទីក្រុងបាងកក កាលពីថ្ងៃសុក្រ ឯកអគ្គរដ្ឋទូតបាននិយាយថា សុខុមាលភាពរបស់ចំណាប់ខ្មាំងថៃគឺជាកង្វល់ ចម្បងរបស់ ប្រជាជនអ៊ីរ៉ង់។
លោកថា រដ្ឋាភិបាលអ៊ីរ៉ង់សូមចូលរួមរំលែកទុក្ខចំពោះការបាត់បង់របស់ថៃក្នុងជម្លោះនេះ។ជនជាតិថៃ៣០នាក់ ត្រូវបានសម្លាប់ចាប់តាំងពីអរិភាពបានផ្ទុះឡើង។
ទាក់ទិននឹងជនជាតិថៃដែលកំពុងជាប់ជាចំណាប់ខ្មាំង លោក Nobakhti បាននិយាយថា លោកត្រូវបានគេជូន ដំណឹងថា ប្រធានាធិបតីអ៊ីរ៉ង់ Ebrahim Raisi បានជួបជាមួយមេដឹកនាំក្រុមហាម៉ាស់លោក Ismail Haniyeh ក្នុងប្រទេសកាតាកាលពីសប្តាហ៍មុន ដោយលោក Raisi បានស្នើសុំឱ្យមានការដោះលែងចំណាប់ខ្មាំងថៃ និងហ្វីលីពីន។
លោក Nobakhti បាននិយាយថាប្រជាជនអ៊ីរ៉ង់ក៏កំពុងព្យាយាមអស់ពីសមត្ថភាពដើម្បីពិភាក្សា ជាមួយមន្ត្រី ប៉ាឡេស្ទីននៅទីក្រុង Beirut។
លោកបាននិយាយថាក្រុមហាម៉ាស់បានយល់ព្រមដោះលែងចំណាប់ខ្មាំងប៉ុន្តែបញ្ហាគឺពួកគេមិនអាចបញ្ជូនចំណាប់ខ្មាំងចេញពីតំបន់ហ្គាហ្សាបានទេដោយសារការទម្លាក់គ្រាប់បែករបស់អ៊ីស្រាអែលកំពុងបន្ត។គាត់បាននិយាយថាកាលពីពីរថ្ងៃមុន មនុស្សមួយក្រុមត្រូវបានបញ្ជូនទៅកាន់ប្រទេសអេហ្ស៊ីប ប៉ុន្តែមានការវាយ ប្រហារមួយ។ ពួកគេប្រហែល ៧០ នាក់ត្រូវបានសម្លាប់។ វាមានគ្រោះថ្នាក់ខ្លាំងណាស់សម្រាប់ពួកគេ ការដោះ លែងចំណាប់ខ្មាំងវាដល់ពេលហើយសម្រាប់រដ្ឋាភិបាលថៃនិងប្រជាជនក្នុងពិភពលោកដើម្បីជំរុញឱ្យរដ្ឋាភិបាលអ៊ីស្រាអែលបញ្ឈប់អំពើប្រល័យពូជសាសន៍នៅតំបន់ហ្គាហ្សាស្ទ្រីប ដើម្បីអោយចំណាប់ខ្មាំងអាចត្រឡប់ទៅផ្ទះ វិញ ដោយសុវត្ថិភាព៕