វៀតណាម ពន្យារយកពន្ធ ទាក់ទាញវិនិយោគ ទុនបរទេស

សមាជិកនិងប្រព័ន្ធផ្សព្វផ្សាយរដ្ឋម្នាក់បាននិយាយកាលពីថ្ងៃអង្គារទី១៧ខែតុលាថាសភារបស់ប្រទេសវៀតណាមនឹងមិនពិភាក្សាអំពីពន្ធអប្បបរមាលើប្រទេសមួយចំនួនដែលបោះទុនវិនិយោគនៅក្នុងទឹកដីរបស់ខ្លួននៅក្នុងសម័យប្រជុំចុងក្រោយឆ្នាំនេះទេដែលមានន័យថាវាទំនងជាមិនបង្កើនអត្រាពន្ធ ១៥ ភាគរយចាប់ពីខែមករា ឆ្នាំ ២០២៤  ស្របតាមកិច្ចព្រម ព្រៀងសកល។

ប្រទេសវៀតណាមក៏បានពន្យារពេលការលើកទឹកចិត្តដែលបានគ្រោងទុកសម្រាប់ក្រុមហ៊ុនដែលរងគ្រោះដោយការយកពន្ធថ្មីដែលអាចធ្វើឱ្យតម្លៃពន្ធកាន់តែខ្ពស់សម្រាប់ក្រុមហ៊ុនចម្រុះជាតិសាសន៍ធំៗដែលកំពុងប្រតិបត្តិការនៅទីនោះ រួមទាំងក្រុមហ៊ុនអេឡិចត្រូនិកយក្សកូរ៉េខាងត្បូង Samsung និងក្រុមហ៊ុនផលិតបន្ទះឈីបអាមេរិក Intel ផងដែរ។

ម៉្យាងវិញទៀតការពន្យាពេលនឹងនាំឱ្យប្រាក់ចំណូលពន្ធកើនឡើងជាបណ្ដោះអាសន្នសម្រាប់កូរ៉េខាងត្បូង សហ រដ្ឋអាមេរិក និងប្រទេសកំណើតផ្សេងទៀតដែលមានប្រតិបត្តិការ នៅក្នុងប្រទេសវៀតណាមខណៈកូរ៉េខាងត្បូង ត្រូវបានគេមើលឃើញថាជាអ្នកទទួលផលសំខាន់ខណៈដែលSamsungគឺជាក្រុមហ៊ុនដែលនឹងត្រូវរងការវាយ ប្រហារ។

ក្រោមច្បាប់ថ្មីដែលកំពុងត្រូវបានគ្រប់គ្រងដោយអង្គការសហប្រតិបត្តិការសេដ្ឋកិច្ច និងអភិវឌ្ឍន៍ (OECD) ក្រុមហ៊ុនដែលបង់ប្រាក់តិចជាង ១៥ ភាគរយនៅក្នុងយុត្តាធិការពន្ធទាបនឹងត្រូវប្រឈម មុខនឹងការបញ្ចូលទឹក ប្រាក់ក្នុងយុត្តាធិការនោះ ឬនៅក្នុងប្រទេសកំណើតរបស់ពួកគេចាប់ពីឆ្នាំក្រោយ។ប្រទេសវៀតណាមដែលពឹងផ្អែកខ្លាំងលើការវិនិយោគពីបរទេស បានរៀបចំផែនការឧបត្ថម្ភធនសម្រាប់ ប្រទេសជាច្រើន ដើម្បីទូទាត់ការបង់ពន្ធខ្ពស់ ដោយសារប្រទេសនេះបារម្ភថា ពន្ធថ្មីនឹងកាត់បន្ថយការទាក់ ទាញដល់វិនិយោគិន៕