កាលពីថ្ងៃអង្គារទី ៣ ខែតុលាក្រុមសិទ្ធិមនុស្ស បានជំរុញឱ្យប្រទេសឥណ្ឌូណេស៊ីស៊ើបអង្កេតការទៅលើករណីសង្ស័យថាក្រុមហ៊ុនគ្រប់គ្រងដោយរដ្ឋបានលក់អាវុធទៅឲ្យប្រទេសមីយ៉ាន់ម៉ាជាកន្លែងដែលរដ្ឋាភិបាលប្រទេសនេះបាននិងកំពុងព្យាយាមលើកកម្ពស់ការផ្សះផ្សាចាប់តាំងពីរដ្ឋប្រហារយោធាឆ្នាំ ២០២១ ដែលបង្កឱ្យមានជម្លោះរីករាលដាល។
ក្រុមសិទ្ធិមនុស្សបានដាក់ពាក្យបណ្តឹងទៅគណៈកម្មាធិការសិទ្ធិមនុស្សជាតិរបស់ប្រទេសឥណ្ឌូណេស៊ីកាលពីថ្ងៃចន្ទដោយចោទប្រកាន់ក្រុមហ៊ុនផលិតអាវុធរបស់រដ្ឋចំនួនបីបានលក់ឧបករណ៍យោធាទៅប្រទេសមីយ៉ាន់ម៉ាចាប់តាំងពីការធ្វើរដ្ឋប្រហារ ។នេះបើយោងតាមលោក Feri Amsari ទីប្រឹក្សាច្បាប់ដល់សកម្មជនទាំងនោះ។ក្រុមដែលដាក់ពាក្យបណ្តឹងនោះរួមមានអង្គការមីយ៉ាន់ម៉ាចំនួនពីរ គឺអង្គការសិទ្ធិមនុស្ស Chin និងគម្រោងគណនេយ្យភាពមីយ៉ាន់ម៉ា និងលោក Marzuki Darusman អតីតអគ្គមេធាវីឥណ្ឌូណេស៊ី និងជាអ្នកតស៊ូមតិសិទ្ធិមនុស្ស។
ពួកគេចោទប្រកាន់ថា ក្រុមហ៊ុនផលិតអាវុធរដ្ឋឥណ្ឌូណេស៊ី PT Pindad ក្រុមហ៊ុនផលិតនាវារដ្ឋ PT PAL និងក្រុមហ៊ុនអាកាសចរណ៍ PT Dirgantara Indonesia បានផ្គត់ផ្គង់ឧបករណ៍ដល់ប្រទេសមីយ៉ាន់ម៉ា តាមរយៈក្រុមហ៊ុនមីយ៉ាន់ម៉ាមួយឈ្មោះថា True North ដែលពួកគេបាននិយាយថាជាកម្មសិទ្ធិរបស់កូនប្រុសរបស់រដ្ឋមន្ត្រីនៅក្នុង រដ្ឋាភិបាលយោធា។
PT Pindad និង PT PAL មិនបានឆ្លើយតបភ្លាមៗចំពោះសំណើសុំការអត្ថាធិប្បាយទេ។ នាយកក្រុមហ៊ុន PT Pindad បានប្រាប់សារព័ត៌មានមុននេះថា ខ្លួនមិនបានលក់ផលិតផលទៅប្រទេសមីយ៉ាន់ម៉ាតាំងពីឆ្នាំ ២០១៦ មកម្ល៉េះ។PT Dirgantara Indonesia បាននិយាយថា ខ្លួនមិនដែលមានកិច្ចសន្យាជាមួយមីយ៉ាន់ម៉ា ឬភាគីទីបីដែលពាក់ព័ន្ធនោះទេ។
សកម្មជនបាននិយាយថាមីយ៉ាន់ម៉ាបានទិញរបស់របរផ្សេងៗពីក្រុមហ៊ុន រួមទាំងកាំភ្លើងខ្លី កាំភ្លើងវែង និងរថយន្តប្រយុទ្ធ។
ក្នុងនាមជាប្រធានសមាគមប្រជាជាតិអាស៊ីអាគ្នេយ៍ ឥណ្ឌូនេស៊ីបាននឹងកំពុងព្យាយាមជាមួយនឹងសញ្ញាមួយចំនួននៃភាពជោគជ័យក្នុងការចូលរួមជាមួយទាំងយោធា និងក្រុមប្រឆាំងរបស់មីយ៉ាន់ម៉ាក្នុងក្តីសង្ឃឹមនៃការសម្របសម្រួលកិច្ចចរចា ៕