នាយករដ្ឋមន្ត្រីថៃ សន្យាបញ្ចប់អំពើរលុករលួយ ទិញ-លក់តំណែងមន្ត្រីរដ្ឋ

នាយករដ្ឋមន្ត្រីថៃលោកស្រេតថាថាវីស៊ីនកាលពីថ្ងៃពុធបានសន្យាថានឹងខិតខំប្រឹងប្រែងដើម្បីបង្ក្រាបអំពើពុករលួយជាពិសេសក្នុងចំណោមមន្ត្រីរដ្ឋ។នេះបើយោងតាមការចេញរបស់ការកាសែតបាង កកប៉ុស្តិ៍ប៉ុស្តិ៍កាលពីថ្ងៃពុធ ទី៥កញ្ញាឆ្នាំ២០២៣។

ថ្លែងនៅក្នុងវេទិកាមួយដើម្បីប្រារព្ធទិវាប្រឆាំងអំពើពុករលួយរបស់ប្រទេសថៃកាលពីថ្ងៃពុធ ៦ ខែកញ្ញា នាយក រដ្ឋមន្ត្រីបានសន្យាថាលោកនឹងបញ្ចប់ការទិញ-លក់តំណែងមន្ត្រីរដ្ឋ ក៏ដូចជាការផ្ទេរ និងការដកតំណែងដោយ អយុត្តិធម៌។

លោកស្រេតថា បានថ្លែងថាយើងនឹងធ្វើឱ្យប្រាកដថាមន្ត្រីរដ្ឋទាំងអស់ត្រូវបានប្រព្រឹត្តដោយយុត្តិធម៌ ខណៈ ដែល កិត្តិយសរបស់ពួកគេត្រូវបានតម្កល់ក្នុងនាមជាអ្នកអនុវត្តគោលនយោបាយរបស់រដ្ឋាភិបាល។ ការទិញ និងលក់ មុខតំណែងផ្លូវការមិនត្រូវមានកន្លែងនៅក្នុងរដ្ឋាភិបាលនេះទេ។ នេះជាអ្វីដែលយើងមានបំណងជំរុញទៅមុខ។

នាយករដ្ឋមន្ត្រីបានធានាដល់ប្រជាពលរដ្ឋថា រដ្ឋាភិបាលនឹងប្រកាន់ខ្ជាប់នូវគោលការណ៍ច្បាប់ក្នុង ការគ្រប់គ្រង ប្រទេស ហើយនឹងអនុវត្តបច្ចេកវិទ្យាទំនើប ដើម្បីធានាបាននូវតម្លាភាពពេញលេញ និងអាចផ្ទៀងផ្ទាត់បាននៃដំ ណើរការការងារទាំងអស់។

ព្រឹត្តិការណ៍នេះត្រូវបានរៀបចំឡើងដោយអង្គការប្រឆាំងអំពើពុករលួយថៃ (ACT) នៅ Krung Thep Aphiwat Central Terminal ក្នុងទីក្រុងបាងកក។

ក្នុងវេទិកានេះ ប្រធាន ACT លោក Wichian Phongsathorn បានជំរុញឱ្យរដ្ឋាភិបាលថ្មីពង្រឹងកិច្ចខិត ខំប្រឹងប្រែង ប្រឆាំងអំពើពុករលួយក្នុងវិស័យសំខាន់ៗចំនួនប្រាំ៖

១-ធ្វើរបៀបវារៈប្រឆាំងអំពើពុករលួយថ្នាក់ជាតិ និងបង្កើតគណៈកម្មាធិការដឹកនាំដោយនាយករដ្ឋមន្ត្រីដោយមាន ការចូលរួមពីតំណាងគ្រប់វិស័យដើម្បីដោះស្រាយបញ្ហាអំពើពុករលួយ។

២-លើកកម្ពស់ប្រតិបត្តិការឯករាជ្យ និងមិនលំអៀងរបស់ភ្នាក់ងារប្រឆាំងអំពើពុករលួយ រួមមាន គណៈកម្មាធិការ ជាតិប្រឆាំងអំពើពុករលួយ ការិយាល័យសវនករនិងការិយាល័យគណៈកម្មាធិការ ប្រឆាំងអំពើពុករលួយវិស័យ សាធារណៈ។

៣-ជំរុញការអនុម័តច្បាប់ពាក់ព័ន្ធអំពើពុករលួយដែលមិនទាន់សម្រេចជាពិសេសច្បាប់ស្តីពីព័ត៌មានសាធារណៈដែលស្ថិតនៅក្រោមការកាន់កាប់របស់រដ្ឋ។

៤-ភ្នាក់ងាររដ្ឋាភិបាលទាំងអស់ត្រូវតែបង្ហាញជាសាធារណៈនូវព័ត៌មានអំពីកិច្ចសន្យា គម្រោងលទ្ធកម្ម ក៏ដូចជា លក្ខខណ្ឌនៃឯកសារយោង ទាំងតាមរយៈវេទិកា Ai របស់ ACT ឬបណ្តាញណាមួយដែលផ្តល់នូវ តម្លាភាពស្តង់ ដារអន្តរជាតិ។

៥-ធ្វើវិសោធនកម្មបទប្បញ្ញត្តិរបស់រដ្ឋដែលធ្លាប់បានប្រើកាលពីអតីតកាលជាលេសមិនបង្ហាញព័ត៌មានទាក់ទងនឹងករណីពុករលួយ៕