ប្រព័ន្ធផ្សព្វផ្សាយរដ្ឋកូរ៉េខាងជើង KCNA បានរាយការណ៍កាលពីថ្ងៃពុធ ទី១៦ សីហាដែលជាការទទួលស្គាល់ ជាសាធារណៈលើកដំបូងជុំវិញករណីទាហានអាមេរិកឆ្លងដែនចូលទៅរដ្ឋកុម្មុយនីស្ត ថា Travis Kingបានចូល មកទឺកដីរបស់ខ្លួនដោយសារតែ ការធ្វើបាបអមនុស្សធម៌និងការរើសអើងជាតិសាសន៍នៅក្នុង ជួរកងទ័ពស ហរដ្ឋអាមេរិក។
ទាហានឯកជន Travis T King បានលួចចូលទៅកូរ៉េខាងជើង ខណៈកំពុងធ្វើដំណើរកម្សាន្តស៊ីវិល នៅតំបន់សន្តិ សុខរួម (JSA) រវាងកូរ៉េទាំងពីរ។ មន្ត្រីអាមេរិកបាននិយាយថា ពួកគេជឿថា Travis T King បានឆ្លងព្រំដែនដោយ ចេតនា។
ទីភ្នាក់ងារសារព័ត៌មានរដ្ឋ KCNA បាននិយាយថា អ្នកស៊ើបអង្កេតកូរ៉េខាងជើងឥឡូវនេះក៏បានសន្និដ្ឋានថា Travis T King បានឆ្លងកាត់ដោយចេតនា និងខុសច្បាប់ ដោយមានចេតនាស្នាក់នៅកូរ៉េខាងជើង ឬនៅក្នុងប្រ ទេសទីបី ។KCNA បានបន្ថែមថា ក្នុងអំឡុងពេលស៊ើបអង្កេត Travis King បានសារភាពថាគាត់បានសម្រេចចិត្តមកកូរ៉េ ខាង ជើងខណៈដែលគាត់មានអារម្មណ៍មិនល្អប្រឆាំងនឹងការធ្វើ បាបអមនុស្សធម៌និងការរើសអើង ជាតិសាសន៍ នៅក្នុងកងទ័ពសហរដ្ឋអាមេរិក” ។
គាត់ក៏បានបង្ហាញពីឆន្ទៈរបស់គាត់ក្នុងការស្វែងឋានៈជាជនភៀសខ្លួននៅកូរ៉េខាងជើងឬប្រទេសទីបីដោយនិយាយថាគាត់មានការខកចិត្តចំពោះសង្គមអាមេរិកដែលមិនស្មើគ្នា ។
គួររំឭកថាបន្ទាប់ពីការឈ្លោះប្រកែកគ្នាក្នុងហាងស្រាគាត់ក៏បានប្រព្រឹត្តអំពើហិង្សាជាមួយប៉ូលីស ហើយត្រូវជាប់ ពន្ធនាគារកូរ៉េខាងត្បូងមុនពេល ត្រូវបានគេនាំទៅកាន់អាកាសយានដ្ឋានកាលពីខែ កក្កដាដើម្បីហោះហើរ ត្រឡប់ទៅរដ្ឋតិចសាស់វិញប៉ុន្តែជំនួសឱ្យការធ្វើដំណើរទៅកាន់បន្ទាយ Fort Bliss សម្រាប់សវនាការវិន័យ ទោសគាត់ក៏បានគេចខ្លួនដោយចូលរួមដំណើរកម្សាន្តទស្សនាតំបន់គ្មានយោធា ហើយក៏ឆ្លងព្រំដែនកូរ៉េខាងជើង ៕