បច្ចុប្បន្ន លោក ប្រាយុទ្ធ កំពុងរស់នៅក្នុងគេហដ្ឋានផ្លូវការរបស់លោកនៅក្នុងកងវរសេនាធំថ្មើរជើងទី១ ដែលជា អង្គរក្សរបស់ព្រះមហាក្សត្រ ដែលលោកបានរស់នៅទីនោះអស់រយៈពេលជាង ១០ ឆ្នាំចាប់តាំងពីលោកបាន បម្រើក្នុងជួរកងទ័ពភូមិន្ទថៃ។
លំនៅដ្នាននេះត្រូវបានគេរាយការណ៍ថាលោកប្រាយុទ្ធ បានរចនាដោយខ្លួនឯង។ វាត្រូវបានសាងសង់នៅលើដី ទំហំ ៣២០០ ម៉ែត្រការ៉េ ហ៊ុព័ទ្ធដោយដើមឈើខ្ពស់ៗ ដើម្បីទប់ស្កាត់ទិដ្ឋភាពពីខាងក្រៅសម្រាប់ហេតុផលសុវត្ថិ ភាព ។
ទីលំនៅផ្លូវការរបស់គាត់ត្រូវបានគេហៅថាBan Luang ឬលំនៅដ្ឋានរបស់រដ្ឋ។ សមាជិកសភាបក្សភឿថៃ អះអាង ថា ចាប់តាំងពីលោកប្រាយុទ្ធបានចាប់ផ្តើមវេចខ្ចប់របស់របររបស់លោក នៅឯវិមានរដ្ឋាភិបាលលោកក៏គួរតែចាប់ ផ្តើមវេចខ្ចប់អីវ៉ាន់ដើម្បីផ្លាស់ទីចេញពីលំនៅដ្ឋាន នៅក្នុងកងវរសេនាធំថ្មើរជើងទីមួយផងដែរ។
លោក ប្រាយុទ្ធ បានច្រានចោលការអំពាវនាវនេះ។ លោកបាននិយាយថា លោកនឹងចាកចេញបន្ទាប់ពីកងទ័ព ផ្លាស់ប្តូរបទប្បញ្ញត្តិហើយថាលោកកំពុងរស់នៅទីនោះដោយហេតុផលសន្តិសុខ។
មុននេះលំនៅស្ថាន Ban Luang របស់ ប្រាយុទ្ធ បានក្លាយជាបញ្ហានយោបាយដ៏ក្តៅគគុក បន្ទាប់ពីបក្សប្រឆាំង ភឿថៃបានស្នើឱ្យតុលាការធម្មនុញ្ញសម្រេចថាតើគាត់គួរចាកចេញពីលំនៅឋានផ្លូវការរបស់កងទ័ពឥឡូវនេះ ដើម្បីកុំឱ្យគាត់បម្រើក្នុងជួរកងទ័ពទៀតឬអត់។
ទោះជាយ៉ាងណាក៏ដោយតុលាការធម្មនុញ្ញបានសម្រេចជាឯកច្ឆ័ន្ទកាលពីឆ្នាំ ២០២០ថា លោក ប្រាយុទ្ធ អាចបន្ត នៅបានយូរប៉ុណ្ណាក៏ដោយ។
លំនៅឋាន Ban Luang នៅខាងក្នុងកងវរសេនាធំថ្មើរជើងទី១ គឺសម្រាប់ឧត្តមសេនីយកងទ័ពដែល មានឋានៈ ជាឧត្តមសេនីយ៍ពេញសិទ្ធិ និងជាអតីតឧត្តមសេនីយកងទ័ពជាន់ខ្ពស់ ដែលបានធ្វើការងារឆ្នើមសម្រាប់កងទ័ព ភូមិន្ទថៃ រួមទាំងអតីតអគ្គមេបញ្ជាការកងទ័ពផងដែរ។
លោកប្រាយុទ្ធ បានរស់នៅក្នុងលំនៅដ្ឋាន Ban Luang អស់រយៈពេលជាង១០ ឆ្នាំ ជាអតីតមេទ័ពដោយមិនចាំ បាច់បង់ថ្លៃភ្លើង និងថ្លៃទឹកនោះទេ។
ទោះជាយ៉ាងណា នាយករដ្ឋមន្ត្រីស៊ីវិល មិនទទួលបានឯកសិទ្ធិដូចលោកប្រាយុទ្ធទេ។តុលាការធម្មនុញ្ញបាន សម្រេចថា លោក ប្រាយុទ្ធ កំពុងរស់នៅក្នុងលំនៅដ្ឋានផ្លូវការក្រោមបទប្បញ្ញត្តិច្បាស់ លាស់របស់កងទ័ព ភូមិន្ទថៃ។
តុលាការក៏បានសម្រេចថា រដ្ឋគួរតែផ្តល់លំនៅឋានផ្លូវការដល់មេដឹកនាំប្រទេស ដើម្បីពួកគេអាចគ្រប់គ្រង ប្រទេសជាប្រយោជន៍សាធារណៈ។
ទោះបីជាលោក Prayut ត្រូវបានគេរំពឹងថានឹងចាកចេញពីតំណែងនាយករដ្ឋមន្ត្រីនៅពេលដែលនាយករដ្ឋមន្ត្រី បន្ទាប់ត្រូវបានជ្រើសរើស នៅពាក់កណ្តាលខែក្រោយក៏ដោយក៏មិនមានបទប្បញ្ញត្តិណាមួយដើម្បីបង្ខំឱ្យគាត់ ចាកចេញពីលំនៅដ្ឋានផ្លូវការនោះទេ។
ករណីលោកប្រាយុទ្ធរស់នៅក្នុងលំនៅឋានកងទ័ពរបស់លោក គឺស្រដៀងគ្នាទៅនឹងអតីតមេទ័ព និងជាអតីត ប្រធានក្រុមប្រឹក្សាឯកជន លោកឧត្តមសេនីយ៍ Prem Tinsulanonda ដែលរស់នៅក្នុងផ្ទះ Sisao Theves Residence អស់រយៈពេលជាង ៤០ឆ្នាំមកហើយ៕