ទីភ្នាក់ងារអង្គការសហប្រជាជាតិបាននិយាយកាលពីថ្ងៃអង្គារទី២៣ខែឧសភាថា បញ្ហាអាកាសធាតុប្រែប្រួលខ្លាំង និងព្រឹត្តិការណ៍ទាក់ទងនឹងអាកាសធាតុនៅជុំវិញពិភពលោកបានសម្លាប់មនុស្សជាង ២លាននាក់ និងបណ្តាលឱ្យខូចខាតសេដ្ឋកិច្ចចំនួន ៤,៣ទ្រីលានដុល្លារក្នុងរយៈពេល៥០ឆ្នាំកន្លងមកនេះ។
នៅក្នុងសេចក្តីប្រកាសព័ត៌មានរបស់អង្គការឧតុនិយមពិភពលោក (WMO) បាននិយាយថាបញ្ហាអាកាសធាតុ និងព្រឹត្តិការណ៍ទាក់ទងនឹងទឹក(រាំងស្ងួតនិងជំនន់)សរុបចំនួន១១៧៧៨ ត្រូវបានរាយការណ៍ពីឆ្នាំ ១៩៧០ ដល់ឆ្នាំ២០២១ហើយជាង ៩០% នៃការស្លាប់ដែលបានរាយការណ៍នៅទូទាំងពិភពលោកបានកើតឡើងនៅក្នុងប្រទេសកំពុងអភិវឌ្ឍន៍។
ចំនួនអ្នកស្លាប់សរុបដែលបានរាយការណ៍សម្រាប់ឆ្នាំ២០២០ និង២០២១មានចំនួន២២៦០៨នាក់បានបង្ហាញពីការថយចុះបន្ថែមទៀតបើប្រៀបធៀបទៅនឹងមធ្យមភាគប្រចាំឆ្នាំកាលពី១០ ឆ្នាំមុន។ នេះបើយោងតាមការរកឃើញ។ទោះបីជាយ៉ាងណាក៏ដោយទីភ្នាក់ងារអង្គការសហប្រជាជាតិបាននិយាយថាការខាតបង់ផ្នែកសេដ្ឋកិច្ចបានកើនឡើង ។
របាយការណ៍ដដែលបានបន្ថែមថា សីតុណ្ហភាពក្តៅខ្លាំងគឺជាមូលហេតុនាំមុខគេនៃការស្លាប់ដែលត្រូវបានរាយការណ៍ហើយទឹកជំនន់គឺជាមូលហេតុចម្បងនៃការខាតបង់សេដ្ឋកិច្ច។
ការរកឃើញនេះត្រូវបានចងក្រងដោយ WMO ជាការធ្វើបច្ចុប្បន្នភាពទៅលើការស្លាប់ និងការបាត់បង់សេដ្ឋកិច្ចដែលបណ្តាលមកពីអាកាសធាតុ និងបញ្ហាទឹក ដែលគ្របដណ្តប់រយៈពេល ៥០ ឆ្នាំពីឆ្នាំ ១៩៧០ ដល់ឆ្នាំ ២០១៩ ៕