មន្ត្រីម្នាក់បាននិយាយថាប្រទេសវៀតណាមសហការជាមួយសហរដ្ឋអាមេរិកបង្កើតវ៉ាក់សាំងជំងឺប៉េស្តជ្រូកអាហ្រ្វិកសម្រាប់ជ្រូកនិងមានបំណងក្លាយជាអ្នកនាំចេញពាណិជ្ជកម្មមុនគេលើពិភពលោក។
អនុរដ្ឋមន្ត្រីក្រសួងកសិកម្មនិងអភិវឌ្ឍន៍ជនបទលោកPhung Duc Tien បាននិយាយកាលពីថ្ងៃពុធថាការផលិត និងការចុះបញ្ជីពាណិជ្ជកម្មវ៉ាក់សាំងគឺជាព្រឹត្តិការណ៍ប្រវត្តិសាស្ត្ររបស់វៀតណាម។
លោកបានបន្តថា៖ «យើងមានទំនុកចិត្តក្នុងការផលិតវ៉ាក់សាំងជំងឺប៉េស្តជ្រូកសម្រាប់ការបង្ការក្នុងស្រុក ហើយក៏នឹងមានគោលដៅនាំចេញផងដែរ»។
ទោះជាយ៉ាងណាក៏ដោយគេមិនបានផ្តល់ពេលវេលាសម្រាប់ការដាក់ឱ្យប្រើប្រាស់វ៉ាក់សាំងឬការបង្ហាញណាមួយអំពីសមត្ថភាពរបស់វៀតណាមក្នុងការផលិតនោះទេ។
អ្នកស្រាវជ្រាវវៀតណាមបានធ្វើការជាមួយអ្នកវិទ្យាសាស្ត្ររបស់សហរដ្ឋអាមេរិកតាំងពីឆ្នាំ២០២០ លើ NAVET-ASFVAC jab ។ ស្ថានស្រាវជ្រាវកសិកម្មនៃក្រសួងកសិកម្មសហរដ្ឋអាមេរិក បានផ្ញើលិខិតផ្លូវការមួយទៅកាន់នាយក ដ្ឋានសុខភាពសត្វនៃប្រទេសវៀតណាម ដោយបញ្ជាក់ថា វ៉ាក់សាំង NAVET-ASFVAC មានសុវត្ថិភាព និងមានប្រសិទ្ធភាព។
ការសាកល្បងមន្ទីរពិសោធន៍របស់វៀតណាមចំនួនប្រាំបានបង្ហាញថា១០០ភាគរយនៃសត្វជ្រូកដែលបានចាក់វ៉ាក់សាំងត្រូវបានការពារប្រឆាំងនឹងជំងឺនេះ៕