សមាជិកសភាតំណាងរាស្រ្តអាមេរិកបានអនុម័តកញ្ចប់ផែនការចំនួន១៣,៦ពាន់លានដុល្លារដើម្បីផ្តល់ជំនួយសង្គ្រោះបន្ទាន់ដល់អ៊ុយក្រែន។កញ្ចប់ដែលត្រូវបានរំពឹងថានឹងឆ្លងកាត់ព្រឹទ្ធសភានៅប៉ុន្មានថ្ងៃខាងមុខនេះ បែងចែកប្រាក់ប្រហែល ពាក់កណ្តាលសម្រាប់វិស័យការពារជាតិអ៊ុយក្រែន និងពាក់កណ្តាលសម្រាប់ជំនួយជនភៀសខ្លួន។
ប្រធានាធិបតីចូបៃឌិនបានស្នើសុំត្រឹមតែ $10ពាន់លានដុល្លារពីសភាតែបានលើសដែលតំណាង ជាច្រើនចង់បង្ហាញថា ពួកគេកំពុងចាត់វិធានការប្រឆាំងនឹងរុស្ស៊ី។វិធានការនេះបានអនុម័តជាផ្នែកមួយនៃច្បាប់ ចំណាយរបស់រដ្ឋាភិបាល ធំជាងបន្ទាប់ពីគណបក្សប្រជាធិបតេយ្យភាគច្រើនបានដកយកមូលនិធិសម្រាប់ការការពារ កូវីដ-១៩ចំពេលមានការប្រឆាំងពីគណបក្សសាធារណរដ្ឋ។
IMF អនុម័តថវិកាចំនួន ១,៤ ពាន់លានដុល្លារសម្រាប់អ៊ុយក្រែន
មូលនិធិរូបិយវត្ថុអន្តរជាតិ (IMF) បានអនុម័តទឹកប្រាក់ចំនួន ១,៤ពាន់លានដុល្លារផ្តល់មូលនិធិសង្គ្រោះបន្ទាន់ សម្រាប់អ៊ុយក្រែនដើម្បីបំពេញសមតុល្យបន្ទាន់នៃតម្រូវការទូទាត់ចំណាយ។នេះបើយោងតាមការចេញផ្សាយរបស់សារព័ត៌មានប៊ីប៊ីស៊ី។
ក្រុមប្រឹក្សាប្រតិបត្តិរបស់មូលនិធិនេះបាននិយាយថាអាជ្ញាធរអ៊ុយក្រែននឹងធ្វើការជាមួយIMFដើម្បីរៀបចំកម្មវិធី សេដ្ឋកិច្ចសមស្របមួយដែលមានគោលបំណងស្តារឡើងវិញនិងកំណើននៅពេលដែលលក្ខខណ្ឌអនុញ្ញាត។
នាយកគ្រប់គ្រង IMF លោកKristalina Georgieva បានបន្ថែមថា នៅពេលដែលសង្រ្គាមបានបញ្ចប់ ហើយការវាយតម្លៃនៃការខូចខាតត្រឹមត្រូវអាចនឹងមាន ការគាំទ្រដ៏ធំបន្ថែមទៀតដើម្បីគាំទ្រដល់កិច្ចខិតខំប្រឹងប្រែងកសាងឡើងវិញ។
