តារាចម្រៀងលោកសុខ មេសា ហៅនាយចឺម កំពុងតែមានក្ដីសុខបំផុតក្នុងជីវិតនោះគឺរកបានសង្សារថ្មីជាអ្នកមេម៉ាយកូន១ ស្រួយដូចដូងដុតតែម្ដងនោះគឺនាងសេង សុខគីម ដែលជានារីខ្មែរឥស្លាម។នាយចឺម ស្រលាញ់នាងសុខគីម ខ្លាំងណាស់រហូតដាក់រូបសង្សារទី៤របស់នាយ នៅលើProfile ផេកផ្ទាល់ខ្លួនទៀតផង ខណៈដែលសង្សារទី១របស់នាយគឺនាងអៀ ម៉េងលិ ហៅអូនម៉ីម៉ី ,សង្សារទី២នាងពុធ ស្រីខួច និងសង្សារទី៣នាងហ្វា ហ្វា ហៅស្រីយី នោះនាយចឺម មិនដែលថ្នមចិត្តដល់ថ្នាក់នេះឡើយ។
សំណួរដែលមហាជនចង់ដឹងថាហេតុអីបានជានាយចឺម សុខចិត្តផ្ដាច់ស្នេហ៍ជាមួយអតីតសង្សារដែលសុទ្ធតែជាស្រីស្អាតៗហើយនៅក្រមុំទាំងនោះមកអោបនាងសេង សុខគីម ជាមេម៉ាយកូន១ទៅវិញ?
នាយចឺម ធ្លាប់ប្រាប់អ្នកយកព័តមានយើងថាត្រឹមជាសង្សារអាចប្រែប្រួលបានគ្រប់ពេលព្រោះខ្លះជាប្ដីប្រពន្ធគ្នាផងគង់មានបែកគ្នា អីចឹងគ្មានអ្វីទៀងទាត់នោះទេ។នាយចឺម ថែមទាំងធ្លាប់សេសេរសារទម្លាក់កំហុសទៅលើសង្សារចាស់ទាំងអស់នោះថាចូលមកក្នុងជីវិតនាយដើម្បីឃើញតែផលប្រយោជន៍តែនាយមិនសំដៅថាខ្លួនខាតអ្វីខ្លះនោះទេ ខណៈដែលសាច់ញាត្តិសង្សារចាស់នាយចឺម មានការមិនពេញចិត្តលោកមេសា ជាខ្លាំងព្រោះថាស្រីស្អាតខាងលើសុទ្ធតែអស់ខ្លួនដោយសារតែកណ្ដាប់ដៃនាយចឺម តែបែជាលោកមេសា ថាពួកនាងមកយកលាភពីនាយទៅវិញ។យ៉ាងណានាយចឺម សរសើរពេញៗមាត់ថាសង្សារថ្មីរបស់នាយ គឺអ្នកមេម៉ាយសាច់សខ្ចីសេង សុខគីម នោះល្អឥតខ្ចោះតែម្ដងហើយធ្វើឲ្យនាយព្រមបញ្ឈប់ការសម្លឹងទៅស្រីផ្សេងត្រឹមនេះហើយ។
អំឡុងពេលដែលនាយចឺម កំពុងតែសប្បាយក្អាកក្កាយជាមួយសង្សារថ្មីហើយពួកគេច្រើនតែបង្ហាញតំណើរកម្សាន្ដជាញឹកញាប់រួមទាំងការផឹកស៊ីរាំរែកអស់ដៃនេះ គេឃើញអតីតសង្សារទី៣នាយចឺម គឺនាងហ្វា ហ្វា ច្រើនតែបង្ហាញការពិបាកចិត្តបង្ហូរទឹកនេត្រាតែម្នាក់ឯង ហើយមានព័តមានថានាងបានរត់ទៅកែពង្រីកដើមទ្រួងទៀតផង ប៉ុន្ដែត្រូវមិត្តភក្ដិស្ដីឲ្យថាយឺតពេលទៅហើយ ព្រោះនាយចឺម គេរកបានអ្នកថ្មីមានអ្វីៗគ្រប់យ៉ាងមិនបាច់កែ។នាយចឺម បានប្រាប់អ្នកយកព័តមានយើងដោយលួងលោមស្រីយី ថាបើមានបទថ្មីសាកសមហ្វា ហ្វា សម្ដែងនាយនៅតែហៅថតអីចឹង។ប៉ុន្ដែតាមព័តមានថានាងហ្វា ហ្វា ប្រាប់មិត្តភក្ដិថាទោះនាយចឺម”បៀមព្រះមកស្បថ ក៍មិនជឿរដែរ”៕
