តារាចម្រៀងឃីន ស្រីនាថ ហៅអ៊ីវ៉ា ត្រូវបានឪពុករបស់នាងលោកអ៊ូ វ៉ាវ ហៅអ៊ូ ចន្ថា ធ្លាប់ដាក់ល័ក្ខខណ្ឌថាក្នុងចំណោម ប្រុសៗទាំងឡាយមួយណាក៍អាចក្លាយទៅជាកូនប្រសាររបស់លោកបានដែរឲ្យតែពួកគេស្រលាញ់អ៊ីវ៉ា ស្មោះហ៊ានចូលចែចូវតាមប្រពៃណីខ្មែរនោះលោកនៅតែទុកសិទ្ធិឲ្យកូនស្រីជាអ្នកសម្រេចចិត្តដល់ទៅ៦០% ខណៈដែលរូបលោកផ្ទាល់សុំត្រឹម៤០%តាមក្រោយ ប៉ុន្ដែមានចំណុចមួយដែលមិនអាចទៅរួចទាល់តែសោះនោះគឺ”ប្ដីគេ”លោកថាទាំងអ៊ីវ៉ា និងរូបលោកផ្ទាល់មិនត្រូវការជាដាច់ខាត ទោះជាបុរសនោះជាមហាសេដ្ឋីក៍ដោយ។
ការចេញបទបញ្ជាររើសកូនប្រសាររបស់លោកវ៉ាវ ដោយហាមផ្ដាច់មិនឲ្យបុ្រសមានប្រពន្ធកូនរួចហើយចូលមកជីវិតកូនស្រី របស់លោកនោះបន្ទាប់ពីមានដំណឹងថាប្រុសដែលតាមស្នេហាអ៊ីវ៉ា ភាគច្រើនជាបុរសវ័យចំណាស់ដែលមិនមែននៅលីវ តែទ្រព្យស្ដុក។ប៉ុន្ដែទាំងអ៊ីវ៉ា និងលោកវ៉ាវ និយាយថា”No”តែម្ដងព្រោះប្ដីគេកុំថាឡើយចង់មកចូលចែចូវស្រីនាថ ទោះជាដើរចូលក៍របងទ្វារផ្ទះលោកត្រូវបានបិតចាក់សោរជិតមិនស្វាគមន៍ឡើយតែលោកវ៉ាវ សារភាពថាលោកពិតជាចង់ឲ្យកូនស្រីយកប្ដីជាបុរសវ័យចំណាស់បន្ដិចតិចមែនព្រោះគេចាស់ទុំទាំងចិត្តគំនិត មិនចង់បានក្មេងស្ទាវឡើយ។
អ៊ីវ៉ា បានចាប់អាជីពចម្រៀងជាង១០ឆ្នាំនាងមិនធ្លាប់ប៉ៈរឿងអាស្រូវស្នេហាធ្ងន់ធ្ងរម្ដងណាទេ តែកាលពីឆ្នាំ២០១០ ដល់២០១៣ នាងត្រូវបានលោក”ប”ដែលជាថៅកែក្លឹបនិងហាងបញ្ចាំនៅក្រុងសៀមរាបតាមស្នេហាយ៉ាងប្រិត។ប៉ុន្ដែចំណង ស្នេហាខុសវ័យនេះ ក៍រលត់ទៅវិញដោយសារតែប្អូនលោកផ្កាយ៣នោះប្រចណ្ឌនិងហួងហែងនាងខ្លាំងពេកដូចជាហាម នាងតាំងពីមិនឲ្យថតសម្ដែងMVកៀកកើយជាមួយតារាប្រុសរូបណា រួមទាំងមិនអនុញ្ញាត្តិឲ្យលេងក្បាច់រាំឡើយ ទើបអ៊ីវ៉ា បាយបាយលោកថៅកែ។
យ៉ាងណាបុរសវ័យចំណាស់ទ្រព្យស្ដុកនោះនៅតែស្នេហាអ៊ីវ៉ា ដូចដើមហើយថែមទាំងមានបំណងចង់ផ្សះផ្សារស្នេហ៍ឡើងវិញទៀតផង ។តែអ៊ីវ៉ា មិនអើពើរនោះទេហើយនាងប្រកាសថា២ឆ្នាំទៀតពោលគឺនៅឆ្នាំ២០២៣ដែលពេលនោះនាងមានអាយុគកម្រប់៣០ឆ្នាំនោះនាង នឹងការប្តី តែបុរសជាអនាគតស្វាមីនាងជាអ្នកណានោះមិនត្រូវបាននាងបង្ហើបឲ្យដឹងមុនឡើយ គឺព្យាយាមលាក់ជិត គ្រាន់តែមិនមែនជាថៅកែដែលតាមដាននាងគ្រប់ពេលវេលានោះឡើយ។ដោយឡែកអ៊ីវ៉ា ធ្លាប់ប្រាប់ថានាងមិនដែលមានទំនាក់ទំនង ស្នេហ៍បុរសណាមានម្ចាស់ចិត្តហើយនោះឡើយ ក្រោយពីនាងធ្លាប់រង គ្រោះត្រូវអ្នកលេង Facebook ម្នាក់ឈ្មោះAh July ជេរប្រមាថនាងយ៉ាងចាស់ដៃទាំងមិនដឹងមូលហេតុកាលពីថ្ងៃទី១០ខែសីហាឆ្នាំ២០២១៕
