ឱក សុគន្ធកញ្ញា ត្រូវបានគេចាប់អារម្មណ៍ថានាងតែងតែមានរូបភាពជាមួយស្វាមីនិងកូនប្រុសបញ្ចេញស្ទើតែគ្រប់ពិធីបុណ្យជាតិធំៗទាំងអស់ដែលរូបថតទាំងនោះត្រូវបានរៀបចំជាមុនស្រេចហើយនៅពេលដែលពិធីនោះមកដល់និងបញ្ចេញតែម្ដងទើបធ្វើឲ្យមានការទាក់ទាញខ្លាំងពីសកម្មភាពរបស់នាងថ្មីៗជានិច្ច។វាមិនមែនជារឿងចៃដន្យនោះទេ ប៉ុន្ដែសុគន្ធកញ្ញា មានជំនួយការផ្ទាល់ខ្លួនជាអ្នកជ្រើសរើសទីតាំងនៃការថតរូបនិងប្លង់ដែលត្រូវចាប់រួមទាំងសម្លៀកបំពាក់ដែលស៊ីគ្នាជាមួយទិដ្ឋភាពទាំងនោះតែម្ដងហើយរូបនាងផ្ទាល់ចាំតែឆ្លើយថាOkនោះក្រុមការងាររបស់នាងតំណើរការតាមផែនការណ៍នៃការថតរូបដែលបានគ្រោងទុកនោះតែម្ដង។
គូរកត់សម្គាល់ថាមិនមែនតែឱក សុគន្ធកញ្ញា ម្នាក់ទេដែលមានជំនួយការរៀបចំប្លង់ថតឲ្យគ្រប់កម្មវិធីនោះតែតារាល្បីៗមួយចំនួនទៀតក៍មានដូចនាងដែរ ដោយអ្នកខ្លះស៊ីប្រាក់ខែតារានោះតែម្ដងចំណែកខ្លះទៀតស៊ីថ្លៃធ្វើការគិតជាថ្ងៃ។ចំពោះឱក សុគន្ធកញ្ញា វិញនាងអាចថតរូបបានស្អាតគ្រប់ពេលទាំងអស់មួយផ្នែកធំក៍ព្រោះថាស្វាមីរបស់នាងលោកអ៊ឹង សុខលី គឺជាអ្នកដឹកនាំសម្ដែងMVដ៍ល្បីឈ្មោះនៅហង្សមាសហេតុនេះហើយទិដ្ឋភាព និងប្លង់មុននឹងថតលោកសុខលី ស្គាល់និងដឹងច្បាស់ពីទីតាំងទាំងនោះដូចជាថ្មីៗនេះលោកដឹកដៃសុគន្ធកញ្ញា និងកូនប្រុសទៅថតរូបជាឈុតប្រពៃណីទាក់ទងពិធីបុណ្យភ្ជុំបិណ្ឌដែលលោកជិះរទេះគោអមដោយទេសភាពដើមត្នោតជាជូយ៉ាងស្រស់ស្អាតនៅតាមទីជនបទ។
រូបភាពសុគន្ធកញ្ញា ទាំងនោះក្រៅពីធ្វើឲ្យពិធីបុណ្យនីមួយកាន់តែធ្វើឲ្យមហាជនចាប់អារម្មណ៍ថែមទៀតនោះវាជួយលើកឲ្យរូបសម្រស់របស់នាងបានស្អាតប្លែកៗគ្នាទៅតាមប្រភេទនៃកម្មវិធីបុណ្យនីមួយៗផងដែរ។អ្វីដែលធ្វើឲ្យសុគន្ធកញ្ញា កាន់តែរីករាយផងដែរគឺនាងបានចងក្រងអនុស្សារីយ៍និងរឹតចំណងស្នេហាជាមួយស្វាមីកាន់តែរឹងមាំថែមទៀតជាមិនខានព្រោះថានៅថ្ងៃខួបកំណើតគម្រប់វ័យ៣៤ឆ្នាំកាលពីថ្ងៃទី១៤ខែកញ្ញាឆ្នាំ២០២១នោះសុគន្ធកញ្ញា មានបំណងធំបំផុតក្នុងជីវិតគឺសូមឲ្យស្វាមីស្រលាញ់នាងតែម្នាក់គត់និងជារៀងរហូត ហេតុនេះហើយការសន្សំរូបអនុស្សារីយ៍ទាំងនោះប្រាកដជាធ្វើឲ្យលោកសុខលី រឹតតែចង់នៅជិតសុគន្ធកញ្ញា ដែលលោកតែងតែហៅថា”ឧត្តមភរិយាៗ”នោះថែមទៀតជាមិនខាន។
ក្រៅពីឱក សុគន្ធកញ្ញា តារាដែលមានជំនួយការថតរូបឲ្យផ្ទាល់ខ្លួននោះមានដូចជាខៀវ សានសាណា,សួស វីសា ,គង់ សុជាតិ ,ឈួន សុវណ្ណឆ័យ ជាដើម ខណៈដែលពេជ្រ សោភា និងសុខ ពិសី ជាដើមមានតែFanធ្វើកិច្ចការទាំងនោះដោយស្ម័គ្រចិត្ត៕
