ក្រុមមន្ត្រីបាននិយាយកាលពីថ្ងៃពុធថាសហភាពអឺរ៉ុបនឹងដាក់ចេញនូវផែនការមួយដើម្បីបង្កើនសមត្ថភាពផលិតគ្រាប់កាំភ្លើងធំរបស់ខ្លួនដល់មួយលានក្នុងមួយឆ្នាំ ដើម្បីបំពាក់អាវុធដល់អ៊ុយក្រែន។ផែនការពីគណៈកម្មការអឺរ៉ុប ដែលបានបង្ហាញកាលពីថ្ងៃពុធ បានស្នើឱ្យប្រើប្រាស់ថវិកាចំនួន៥៥០លានដុល្លារ ពីថវិកាសហភាពអឺរ៉ុបដើម្បីជំរុញការផលិតគ្រាប់រំសេវនៅក្នុងប្លុកនេះ។
លោក Thierry Bretonស្នងការទីផ្សារផ្ទៃក្នុងសហភាពអឺរ៉ុបបាននិយាយថា នៅពេលនិយាយអំពីការការពារ ឧស្សាហកម្មរបស់យើងឥឡូវនេះត្រូវតែប្តូរទៅជារបៀបសេដ្ឋកិច្ចសង្រ្គាម។ ខ្ញុំមានទំនុកចិត្តថាក្នុងរយៈពេល ១២ខែ យើងនឹងអាចបង្កើនសមត្ថភាពផលិតរបស់យើងដល់មួយលានគ្រាប់ក្នុងមួយឆ្នាំនៅអឺរ៉ុប។
សាច់ប្រាក់របស់សហភាពអឺរ៉ុបនឹងឆ្ពោះទៅរកការផ្តល់ហិរញ្ញប្បទានដល់ខ្សែសង្វាក់ផលិតកម្មថ្មីសម្រាប់គ្រាប់ផ្លោង និងមីស៊ីល Howitzer និងការជួសជុលគ្រាប់រំសេវចាស់។ទីក្រុងព្រុចសែលនិយាយថា ប្រាក់នេះនឹងផ្តល់ហិរញ្ញប្បទានប្រហែល ៥០ ភាគរយសម្រាប់គម្រោងដែលបានជ្រើសរើស ហើយរដ្ឋជាសមាជិកនឹងត្រូវបង្កើតសាច់ប្រាក់ពាក់កណ្តាលទៀត៕