ភ្នំពេញ៖ យុវជន២នាក់ត្រូវបានកម្លាំងកងរាជអាវុធហត្ថខណ្ឌ ធ្វើការឃាត់ខ្លួន បន្ទាប់ពីពួកគេបានធ្វើសកម្មភាពឆក់ទូរស័ព្ទពីនារីម្នាក់ ហើយត្រូវនារីរងគ្រោះស្រែកថាចោរៗ ពេលនោះក៏មានសមត្ថកិច្ចកពុងជិះល្បាត។
ហេតុការណ៍នេះបានកើតឡើង កាលពីរវេលាម៉ោង៧និង២០នាទីព្រឹកថ្ងៃទី៨ ខែកក្កដា ឆ្នាំ២០១៩ ស្ថិតនៅផ្លូវបេតុងភូមិរលួស សង្កាត់ជើងឯក ខណ្ឌដង្កោ។
ជនសង្ស័យទាំង២នាក់ ទី១. មានឈ្មោះ មឿន សុវណ្ណផាកភុង អាយុ១៨ឆ្នាំ មុខរបរសន្តិសុខណាហ្គា ស្នាក់នៅ់ភូមិរការ សង្កាត់ចាក់អង្រែក្រោម ខណ្ឌមានជ័យ និងទី២. មានឈ្មោះសាត សុខឌីណា អាយុ១៩ឆ្នាំ មុខរបរមិនពិតប្រាកដ ស្នាក់នៅភូមិទួលសំបូរ សង្កាត់ព្រៃវែង ខណ្ឌដង្កោ។ ចំណែកនារីរងគ្រោះមានឈ្មោះសារិន ស្រីលាភ អាយុ២០ឆ្នាំមុខរបរ បុគ្គលិកក្រុមហ៊ុន ស្នាក់នៅភូមិម័ល សង្កាត់ដង្កោ ខណ្ឌដង្កោ។
តាមប្រភពពីកន្លែងកើតហេតុបានឲ្យដឹងថា មុនពេលកើតហេតុ កាលពីរវេលាម៉ោង៧ និង២០នាទីព្រឹក ថ្ងៃទី០៨ ខែកក្កដា ឆ្នាំ២០១៩ គេបានឃើញនារីរងគ្រោះជិះម៉ូតូតាមផ្លូវបេតុងក្នុងភូមិរលួស ពេលនោះស្រាប់តែជនសង្ស័យទាំង២នាក់ខាងលើ ជិះម៉ូតូមកអែប រួចបានធ្វើសកម្មភាពឆក់ទូរស័ព្ទពីនារីរងគ្រោះ ។
ប្រភពបានបន្តទៀតថា ក្រោយឆក់ទុរស័ប្ទបានហើយ ជនសង្ស័យទាំង២នាក់ បានជិះម៉ូតូរត់គេច តែត្រូវនារីរងគ្រោះស្រែកថា ចោរៗ ធ្វើឲ្យផ្អើលដល់ប្រជាពលរដ្ឋ គាប់ជួនពេលនោះកម្លាំងប៉េអឹមបានចុះល្បាតរមកដល់ចំណុចកើតហេតុ បានប្រដេញតាមចាប់ ធ្វើឲ្យជនសង្ស័យទាំង២នាក់ភ័យពេក បានដួលម៉ូតូ ើយត្រូវចាប់ខ្លួន បញ្ជូនមកកងរាជអាវុធហត្ថខណ្ឌដង្កោ បានតែម្តង។
ក្រោយពីបញ្ជូនខ្លួនមកដល់កងរាជអាវុធហត្ថខណ្ឌដង្កោ គេបានឃើញជីដូនរបស់ជនសង្ស័យម្នាក់ បានមកមើលជនសង្ស័យ ហើយបានយំស្រែកអាណិតកូន ដែលពុំគួរណាមិនគិតខិតខំរៀនសូត្រ និងធ្វើការ បែរជាមកធ្វើចោរឆក់បែបនេះសោះ។
បច្ចុប្បន្នជនសង្ស័យទាំង២នាក់ ត្រូវបានឃុំខ្លួនបណ្តោះអាសន្ន និងកំពុងកសាងសំណុំរឿងបញ្ជូនទៅកាន់ផ្នែកជំនាញ៕