យោងតាមទីភ្នាក់ងារព័ត៌មានរុស្ស៊ី TASS បានរាយការណ៍កាលពីថ្ងៃពុធទី ៨ ខែវិច្ឆិកាថា ប្រទេសរុស្សីបានចេញដីកាចាប់ខ្លួនចៅក្រមនៅតុលាការឧក្រិដ្ឋកម្មអន្តរជាតិ(ICC)ដែលកាលពីខែមីនាបានចេញដីកាសម្រាប់ការចាប់ខ្លួនប្រធានាធិបតី វ្ល៉ាឌីមៀ ពូទីន ពីបទឧក្រិដ្ឋកម្មសង្គ្រាមនៅអ៊ុយក្រែន។
ចៅក្រម Sergio Gerardo Ugalde Godinez ត្រូវបានរុស្ស៊ីដាក់ក្នុងបញ្ជីតាមចាប់ខ្លួនដោយផ្អែកទៅលើមាត្រានៃក្រមព្រហ្មទណ្ឌនៃសហព័ន្ធរុស្ស៊ីនៅក្នុងមូលដ្ឋានទិន្នន័យអនឡាញនៃក្រសួងមហាផ្ទៃរបស់ប្រទេសរុស្ស៊ី ប៉ុន្តែដោយមិនមានការលើកឡើងអំពីឧក្រិដ្ឋកម្មដែលត្រូវបានចោទប្រកាន់នោះទេ។
រុស្ស៊ីបានដាក់ថ្នាក់ដឹកនាំ ICC ភាគច្រើននៅក្នុងបញ្ជីដែលខ្លួនចង់បាន បន្ទាប់ពីតុលាការនេះកាលពីខែមីនាបានចេញដីកាចាប់ខ្លួន សម្រាប់លោក ពូទីន និងស្នងការកុមារ Maria Lvova-Belova ដោយចោទប្រកាន់ពួកគេពីបទនិរទេសកុមាររាប់រយនាក់ពីអ៊ុយក្រែនដោយខុសច្បាប់ ដែលជាបទឧក្រិដ្ឋកម្មសង្គ្រាម។រុស្ស៊ីទទួលស្គាល់ថាបានផ្ទេរកុមាររាប់ពាន់នាក់ចេញពីអ៊ុយក្រែនប៉ុន្តែនិយាយថានេះត្រូវបានធ្វើទាំងស្រុងដើម្បីការពារកុមារកំព្រានិងកុមារដែលត្រូវបានបោះបង់ចោលនៅក្នុងតំបន់សង្រ្គាម ៕