មេដឺកនាំក្រុមប្រទេស G7 រួមទាំងចក្រភពអង់គ្លេស និងសហរដ្ឋអាមេរិកដែលកំពុងជួបប្រជុំគ្នានៅទីក្រុងតូក្យូ ប្រទេសជប៉ុន បានចេញសេចក្តីថ្លែងការណ៍មួយ ដោយនិយាយថា ពួកគេគាំទ្រការផ្អាកបាញ់មនុស្សធម៌ និងបើកច្រករបៀងនៅក្នុងតំបន់ហ្គាហ្សា។
សេចក្តីថ្លែងការណ៍របស់រដ្ឋមន្ត្រីការបរទេស – ដែលបានជួបប្រជុំនៅទីក្រុងតូក្យូក៏ទទួលស្គាល់សិទ្ធិរបស់អ៊ីស្រាអែលក្នុងការការពារខ្លួនស្របតាមច្បាប់អន្តរជាតិ។
សេចក្តីថ្លែងការណ៍បានបន្តថាយើងសង្កត់ធ្ងន់លើតម្រូវការសម្រាប់សកម្មភាពបន្ទាន់ដើម្បីដោះស្រាយវិបត្តិមនុស្សធម៌ដែលកាន់តែយ៉ាប់យ៉ឺននៅហ្គាហ្សា។
យើងគាំទ្រដល់ការផ្អាក និងច្រករបៀងមនុស្សធម៌ ដើម្បីជួយសម្រួលដល់ជំនួយដែលត្រូវការជាបន្ទាន់ការបន្លាស់ទីជនស៊ីវិល និងការដោះលែងចំណាប់ខ្មាំង។សេចក្តីថ្លែងការណ៍មិនបានអំពាវនាវឱ្យមានបទឈប់បាញ់នោះទេ។
Kamikawa បាននិយាយថា ខណៈពេលដែលមានការថ្កោលទោសជាថ្មីចំពោះការវាយប្រហារដ៏គួរឱ្យភ្ញាក់ផ្អើលដោយក្រុមហាម៉ាស់កាលពីថ្ងៃទី 7 ខែតុលា ទៅលើអ៊ីស្រាអែល ក្រុម G7 ក៏បានសង្កត់ធ្ងន់លើសារៈសំខាន់នៃការអនុលោមតាមច្បាប់មនុស្សធម៌អន្តរជាតិក្នុងអំឡុងពេលជម្លោះដែលកំពុងបន្តនៅមជ្ឈិមបូព៌ា។នៅក្នុងសម័យប្រជុំកាលពីព្រឹកថ្ងៃពុធរដ្ឋមន្ត្រី G7 បានបញ្ជាក់ថា ការគាំទ្រដ៏រឹងមាំរបស់ពួកគេចំពោះអ៊ុយក្រែន និងទណ្ឌកម្មសេដ្ឋកិច្ចធ្ងន់ធ្ងរដែលដាក់លើរុស្ស៊ី នៅតែមិនផ្លាស់ប្តូរចំពេលមានការផ្លាស់ប្តូរការយកចិត្តទុកដាក់ជាសកល ឆ្ពោះទៅរកសង្គ្រាមអ៊ីស្រាអែល និងក្រុមហាម៉ាសដែលកំពុងកើនឡើង។
គួររំឭកថា៖’’ការផ្អាកមនុស្សធម៌’’និង’’បទឈប់បាញ់គ្នា’’គឺខុសគ្នា។ ការផ្អាកមនុស្សធម៌គឺខ្លីជាងបទឈប់បាញ់ ដែលជាទូទៅវែងជាងនិងជាផ្នែកមួយនៃដំណើរការនយោបាយ។អាមេរិកមិនដែលអំពាវនាវឲ្យមានបទឈប់បាញ់ទេតែបានអំពាវនាវអោយមានការផ្អាកបាញ់មនុស្សធម៌។
អ៊ីស្រាអែល អះអាងពីការសម្លាប់ប្រធានផ្នែកអាវុធក្រុមហាម៉ាស
កងកម្លាំងការពារអ៊ីស្រាអែល (IDF) បាននិយាយថា ខ្លួនបានសម្លាប់លោក Mohsen Abu Zina មេដឹកនាំក្រុមហាម៉ាស់ ដែលជាប្រធានផ្នែកចារកម្ម និងអាវុធ និងជា មេដឹកនាំម្នាក់ក្នុងការផលិតគ្រាប់រំសេវយុទ្ធសាស្ត្រ និងគ្រាប់រ៉ុក្កែត។នៅក្នុងការធ្វើបច្ចុប្បន្នភាពព័ត៌មានពេលព្រឹក IDF និយាយថា ខ្លួននៅតែបន្តប្រតិបត្តិការ ជ្រៅនៅតំបន់ហ្គាហ្សាស្ទ្រីប ដោយលុបបំបាត់ភេរវករ និងដឹកនាំយន្តហោះដើម្បីវាយប្រហារហេដ្ឋារចនាសម្ព័ន្ធរបស់ក្រុមហាម៉ាស។
អាមេរិក ហាមមិនអោយអ៊ីស្រាអែលកាន់កាប់ហ្គាហ្សា
រដ្ឋមន្ត្រីការបរទេសអាមេរិកលោកBlinkenធាតុសំខាន់នៃសន្តិភាពនាពេលអនាគតនៅហ្គាហ្សារួមមាន៖
១-ហាមប្រើប្រាស់តំបន់ហ្គាហ្សា ជាវេទិកាសម្រាប់ភេរវកម្ម ឬការវាយប្រហារដោយហិង្សា
២-គ្មានការកាន់កាប់តំបន់ហ្គាហ្សាឡើងវិញទេ បន្ទាប់ពីជម្លោះបានបញ្ចប់។
៣-គ្មានការប៉ុនប៉ងរារាំង ឬឡោមព័ទ្ធតំបន់ហ្គាហ្សាទេ។
៤-គ្មានការកាត់បន្ថយទំហំទឹកដីហ្គាហ្សាទេ។
៥-ត្រូវធានាថាគ្មានការគំរាមកំហែងពីភេរវជនណាអាចលេចចេញពីតំបន់ West Bank។
លោកBlinkenបន្ថែមថាវាត្រូវតែរួមបញ្ចូលយន្តការទ្រទ្រង់សម្រាប់ការកសាងឡើងវិញនៅហ្គាហ្សានិង ផ្លូវទៅកាន់អ៊ីស្រាអែលនិងប៉ាឡេស្ទីនដែលរស់នៅក្បែរគ្នា” នៅក្នុងរដ្ឋពីរដាច់ដោយឡែកពីគ្នា។យើងជឿថាពេលនេះដល់ពេលហើយដើម្បីចាប់ផ្តើមការសន្ទនាសម្រាប់ពេលអនាគត មិនមែនថ្ងៃស្អែក មិនមែនក្រោយសង្រ្គាមទេ គឺថ្ងៃនេះតែម្តង៕