ទីភ្នាក់ងារចារកម្មកូរ៉េខាងត្បូងត្រូវបានគេដកស្រង់សម្តីថា កូរ៉េខាងជើងកំពុងស្ថិតក្នុងដំណាក់កាលចុងក្រោយ នៃការរៀបចំដើម្បីបាញ់បង្ហោះផ្កាយរណបលើទីបីរបស់ខ្លួនបន្ទាប់ពីការប៉ុន ពីរលើកកាលពីដើមឆ្នាំនេះបរាជ័យ។នេះបើយោងតាមការចេញផ្សាយរបស់សារព័ត៌មានយុនហាប់កាលពីថ្ងៃពុធទី១វិច្ឆិកាឆ្នាំ ២០២៣។
បន្ទាប់ពីការប៉ុនប៉ង២លើករបស់ខ្លួនបរាជ័យកាលពីខែសីហា កូរ៉េខាងជើងបាននិយាយថាខ្លួននឹងព្យាយាមម្តង ទៀតនៅក្នុងខែតុលាប៉ុន្តែគ្មានការបាញ់បង្ហោះបែបនេះបានកើតឡើងនោះទេហើយកូរ៉េខាងជើងក៏មិនបានប្រាប់ហេតុផល ចំពោះការពន្យារពេលឬប្រាប់ថានឹងបាញ់នៅពេលណានោះដែរ ។
សេវាស៊ើបការណ៍សម្ងាត់ជាតិ (NIS) បានរាយការណ៍ទៅគណៈកម្មាធិការស៊ើបការណ៍សម្ងាត់សភាក្នុង អំឡុង ពេលសម័យសវនកម្មបិទទ្វារថាកូរ៉េខាងជើងត្រូវបានគេជឿថាកំពុងស្ថិតនៅពាក់កណ្តាលនៃដំណាក់កាលចុងក្រោយនៃការរៀបចំ ដូចជាការពិនិត្យមើលម៉ាស៊ីន និងប្រព័ន្ធបាញ់បង្ហោះ។ នេះបើតាមលោក Yoo Sang-bum តំណាងរាស្រ្តនៃគណបក្សអំណាចប្រជាជនដែលកំពុងកាន់អំណាច។
NIS ក៏បានរាយការណ៍ថា កូរ៉េខាងជើងហាក់ដូចជាបានទទួលជំនួយផ្នែកបច្ចេកវិទ្យាពី ប្រទេសរុស្ស៊ីហើយលទ្ធ ភាពនៃភាពជោគជ័យអាចខ្ពស់ជាងនេះ។ ជំនួយបច្ចេកវិទ្យាអវកាសត្រូវបានគេជឿថាជាលទ្ធផលមួយក្នុងចំណោមលទ្ធផលនៃកិច្ចប្រជុំកំពូលកាលពីខែកញ្ញារវាងមេដឹកនាំកូរ៉េខាងជើងលោក គីម ជុងអ៊ុននិងប្រធានាធិបតីរុស្ស៊ីលោកវ៉្លាឌីមៀ ពូទីន ។
ទីភ្នាក់ងារនេះបានរាយការណ៍ថា ទោះបីជាយ៉ាងណាក៏ដោយ កូរ៉េខាងជើងនៅខ្វះខាតថវិកា និងបច្ចេកវិទ្យា ហើយមិនទាន់បានស្ទាត់ជំនាញក្នុងការបញ្ចូលបរិយាកាសឡើងវិញនិងបច្ចេកវិទ្យាក្បាលគ្រាប់ច្រើនដែលចាំបាច់សម្រាប់មីស៊ីលផ្លោងអន្តរទ្វីប។
ទីភ្នាក់ងារនេះក៏បានចែករំលែកព័ត៌មានសម្ងាត់នៃការធ្វើពាណិជ្ជកម្មអាវុធនិងបច្ចេកវិទ្យាដែលអាចកើតមានរវាងកូរ៉េខាងជើង និងរុស្ស៊ីផងដែរ។
NIS បាននិយាយថាកូរ៉េខាងជើងត្រូវបានគេជឿថាបានផ្តល់ឱ្យរុស្ស៊ីនូវកាំភ្លើងធំជាង ១លានគ្រាប់ និងសព្វាវុធ ផ្សេងទៀតក្នុងការដឹកជញ្ជូនប្រហែល ១០គ្រឿងចាប់តាំងពីដើមខែសីហាដើម្បីជួយទីក្រុងមូស្គូក្នុង សង្គ្រាមនៅ អ៊ុយក្រែន។វាបាននិយាយថា ចំនួនគ្រាប់កាំភ្លើងធំគឺគ្រប់គ្រាន់សម្រាប់រុស្ស៊ីប្រើប្រាស់រយៈពេលពីរខែ។
លោក Yoo បានបន្ថែមថា NIS ក៏ទទួលបានព័ត៌មានសម្ងាត់ថា កូរ៉េខាងជើងបានបញ្ជូនប្រតិភូអ្នកជំនាញការ បាញ់គ្រាប់រ៉ុក្កែតជាច្រើននាក់ទៅកាន់ប្រទេសរុស្ស៊ីនៅពាក់កណ្តាលខែតុលា។
លើសពីនេះ ទៀតលោកបាននិយាយថា ទីភ្នាក់ងារនេះអាចបង្កកទ្រព្យសម្បត្តិដែលមានតម្លៃ ៣,៤៥ លាន ដុល្លារអាមេរិកដែលត្រូវបានលួចដោយកូរ៉េខាងជើង ដោយសហការជាមួយការិយាល័យស៊ើបអង្កេតសហព័ន្ធ របស់សហរដ្ឋអាមេរិកក្នុងខែកុម្ភៈ និងខែមិថុនា៕