យោងតាមលោកស្រីPaetongtarnកូនស្រីពៅរបស់លោកថាក់ស៊ីននិងជាបេក្ខជននាយករដ្ឋមន្ត្រីរបស់បក្សភឿថៃបានប្រកាសនៅលើ Instagram កាលពីថ្ងៃពុធថា អតីតនាយករដ្ឋមន្ត្រីថាក់ស៊ីនស៊ីណាវ៉ាត្រានឹងមកដល់អាកាសយានដ្ឋានដនមឿងនៅថ្ងៃទី១០ខែសីហា ។
អ្នកស្រី Paetongtarn បានសរសេរបង្ហោះក្នុងថ្ងៃខួបកំណើតគម្រប់ ៧៤ ឆ្នាំរបស់លោកឪពុកថា៖ «ខ្ញុំស្ទើរមិនជឿថាអ្វីដែលខ្ញុំកំពុងវាយសារជូនពរ បែរជាខ្ញុំទទួលបានដំណឹងថាឪពុករបស់ខ្ញុំនឹងត្រឡប់មកវិញនៅថ្ងៃទី ១០ ខែសីហា នៅអាកាសយានដ្ឋានដនមឿង។
អ្នកស្រីបន្តថាដំណឹងនេះធ្វើឲ្យគ្រួសាររបស់យើងទទួលបានទាំងរីករាយនិងព្រួយបារម្ភប៉ុន្តែយើងតែងតែគោរពការសម្រេចចិត្តឪពុករបស់យើង។
លោកស្រីបានរំឭកថានេះជាថ្ងៃកំណើតគម្រប់១៧ឆ្នាំ ដែលលោកឪេពុករស់នៅនិរទេស ហើយនេះជាលើកទី៣ហើយដែលខ្ញុំខកខានពិធីខួបកំណើតរបស់គាត់។ លោកស្រីបានបន្ថែមថា ខ្ញុំមិនអាចចូលរួមក្នុងឆ្នាំនេះបានទេ ព្រោះនាងកំពុងត្រៀមខ្លួនសម្រាប់ការវិលត្រឡប់របស់លោកវិញ។
លោកស្រីបានជូនពរឪពុកអោយមានសុខភាពល្អ និងសុវត្ថិភាព ហើយគាត់អាចបំពេញបំណងចង់ជូនចៅៗទៅរៀនជាប្រចាំ។
លោកថាក់ស៊ីនបានរស់នៅនិរទេសខ្លួនតាំងពីឆ្នាំ ២០០៨ ដោយចំណាយពេលភាគច្រើននៅទីក្រុងឌូបៃ បន្ទាប់ពីរដ្ឋាភិបាលត្រូវបានទម្លាក់ដោយរដ្ឋប្រហារយោធាដឹកនាំដោយឧត្តមសេនីយលោក Sonthi Boonyaratglin កាលពីថ្ងៃទី១៩ខែកញ្ញាឆ្នាំ២០១៦។លោកក៏ប្រឈមមុខនឹងការចោទប្រកាន់ និងកាត់ទោសដាក់គុកជាច្រើនដងផងដែរ ជុំវិញការចោទប្រកាន់អំពើពុករលួយ ការគេចពន្ធ និងការរំលោភបំពានអំណាច។
ក្នុងអំឡុងពេលអវត្តមាននាយកដ្ឋានព្រហ្មទណ្ឌនៃតុលាការកំពូលសម្រាប់អ្នកកាន់តំណែងនយោបាយបានកាត់ទោសគាត់ឱ្យជាប់ពន្ធនាគារសរុបចំនួន១២ឆ្នាំក្នុងសំណុំរឿងចំនួន៤។
ករណីទី១៖ លោកថាក់ស៊ីន ត្រូវបានគេរកឃើញថាមានពិរុទ្ធពីបទរំលោភសិទ្ធិអំណាចក្នុងការទិញដីរដ្ឋរបស់លោកស្រី Khunying Potjaman na Pombejra ក្នុងតម្លៃទាបជាងតម្លៃទីផ្សារ ដែលនាំឱ្យមានការជាប់ពន្ធនាគាររយៈពេលពីរឆ្នាំ។ លក្ខន្តិកៈរយៈពេល ១០ ឆ្នាំនៃការសម្រេចរបស់តុលាការបានផុតកំណត់នៅខែតុលា ឆ្នាំ ២០១៨។
ករណីទី២៖លោកមានពិរុទ្ធភាពពាក់ព័ន្ធនឹងករណីឆ្នោត ២ និង ៣ ខ្ទង់ត្រូវជាប់ពន្ធនាគាររយៈពេល ២ ។
ករណីទី៣៖លោកថាក់ស៊ីន ត្រូវជាប់ពន្ធនាគាររយៈពេល ៣ ឆ្នាំពីបទបំពានតួនាទីរបស់លោក ផ្តល់ប្រាក់កម្ចីចំនួន ៤ ពាន់លានបាតដល់ប្រទេសមីយ៉ាន់ម៉ា តាមរយៈធនាគារ Export-Import (Exim) នៃប្រទេសថៃ។
ករណីទី៤៖ ត្រូវជាប់ពន្ធនាគាររយៈពេល៥ ឆ្នាំដោយសារតុលាការបានរកឃើញថាលោកមានកំហុសក្នុងការកាន់កាប់ភាគហ៊ុននៅក្នុងក្រុមហ៊ុន Shin Corp ដែលជាក្រុមហ៊ុនទូរគមនាគមន៍ដែលត្រូវបានហាមឃាត់សម្រាប់អ្នកកាន់ការិយាល័យនយោបាយណាមួយ។
លក្ខន្តិកៈនៃការកំណត់សម្រាប់សេចក្តីសម្រេចរបស់តុលាការលើសំណុំរឿងទី២ ទី៣ និងទី៤ មិនទាន់ផុតកំណត់ទេ៕