រដ្ឋមន្ត្រីការពារជាតិអាមេរិកលោក Lloyd Austin បាននិយាយកាលពីថ្ងៃព្រហស្បតិ៍ថាខ្ញុំគ្មានការសង្ស័យទេថា អ៊ុយក្រែននឹងជាសមាជិកអង្គការណាតូ នៅពេលដែលបញ្ចប់សង្គ្រាមជាមួយរុស្ស៊ី។នេះបើយោងតាមការចេញផ្សាយរបស់បណ្តាញសារព័ត៌មានCNN។
លោកAustinបាននិយាយនៅក្នុងបទសម្ភាសន៍ជាមួយទូរទស្សន៍ CNNនៅទីក្រុងVilniusប្រទេសលីទុយអានី បន្ទាប់ពីកិច្ចប្រជុំកំពូលរបស់អង្គការណាតូ ថា យើងបានឮគ្រប់ប្រទេសនៅក្នុងបន្ទប់ប្រជុំនិយាយច្រើនអំពីការចូលសមាជិករបស់អ៊ុយក្រែនទៅក្នុងអង្គការណាតូ ។
លោក Austin ក៏បាននិយាយផងដែរថា នៅមានការងារដែលត្រូវធ្វើក្នុងការនាំយកឧបករណ៍ និងការហ្វឹកហ្វឺនរបស់អ៊ុយក្រែនទៅតាមស្តង់ដាររបស់អង្គការណាតូ។ខណៈពេលដែលយើងកំពុងធ្វើការងារនេះ ពួកគេប្រយុទ្ធនឹងសង្រ្គាម។មានបញ្ហាច្រើនទៀតដែលនឹងត្រូវធ្វើដើម្បីធានាថាពួកគេមានសមត្ថភាពពេញលេញ។
រុស្ស៊ី ចាត់ទុកវត្តមានយន្តហោះ F-16 នៅអ៊ុយក្រែនជាការគំរាមកំហែងនុយក្លេអ៊ែ
រដ្ឋមន្ត្រីការបរទេសរុស្ស៊ីលោក Sergey Lavrov បាននិយាយថា ទីក្រុងម៉ូស្គូមិនអាចព្រងើយកន្តើយចំពោះសមត្ថភាពនុយក្លេអ៊ែររបស់យន្តហោះចម្បាំង F-16 របស់សហរដ្ឋអាមេរិក ដែលអាចផ្គត់ផ្គង់ដល់ អ៊ុយក្រែន ដោយអ្នកគាំទ្រលោកខាងលិចនោះទេ។
លោកLavrovបានព្រមាននៅក្នុងបទសម្ភាសន៍របស់គាត់ជាមួយ Lenta.ru កាលពីថ្ងៃពុធថាការបន្តផ្តល់អាវុធទំនើបបន្ថែមទៀតដល់ទីក្រុងគៀវសហរដ្ឋអាមេរិកនិងសមាជិករបស់អង្គការណាតូបង្កើតហានិភ័យនៃការប្រឈមមុខប្រដាប់អាវុធដោយផ្ទាល់ជាមួយរុស្ស៊ី ហើយវាអាចនាំទៅរកផលវិបាកដ៏មហន្តរាយ។លោកបានមានប្រសាសន៍ថា ផែនការផ្គត់ផ្គង់យន្តហោះ F-16 ដល់ទីក្រុងគៀវ គឺជាឧទាហរណ៍មួយទៀត នៃការផ្លាស់ប្តូរកើនឡើងដោយលោកខាងលិច និងជាការអភិវឌ្ឍន៍ដ៏គ្រោះថ្នាក់បំផុត។
រដ្ឋមន្ត្រីការបរទេសរូបនេះបានបន្តថា៖ «យើងបានជូនដំណឹងដល់មហាអំណាចនុយក្លេអ៊ែរដូចជា អាមេរិក អង់គ្លេស និងបារាំងថា រុស្ស៊ីមិនអាចព្រងើយកន្តើយចំពោះសមត្ថភាពរបស់យន្តហោះទាំងនេះក្នុងការបំពាក់អាវុធនុយក្លេអ៊ែរបានឡើយ។
លោកព្រមានថាគ្មានការធានាដោយលោកខាងលិច នឹងជួយនៅទីនេះទេ»។ នៅពាក់កណ្តាលនៃការប្រយុទ្ធគ្នា យោធារុស្ស៊ីនឹងមិនស៊ើបអង្កេតថាតើយន្តហោះជាក់លាក់ណាមួយត្រូវបានបំពាក់អាវុធនុយក្លេអ៊ែរឬអត់នោះទេ ៕