ប្រធានាធិបតីអាមេរិកលោកចូ បៃដិនបាននិយាយនៅថ្ងៃចន្ទ ទី១៩ខែមិថុនាថាការគំរាមកំហែងប្រើអាវុធនុយក្លេអ៊ែរយុទ្ធសារបស់ប្រធានាធិបតីរុស្ស៊ី លោក វ្ល៉ាឌីមៀ ពូទីនគឺ ពិតប្រាកដ។
កាលពីថ្ងៃសៅរ៍លោកបៃដិន បានហៅការប្រកាសរបស់លោក ពូទីនក្នុងការដាក់ពង្រាយអាវុធនុយក្លេអ៊ែរយុទ្ធសាស្ត្រដំបូងរបស់ខ្លួនទៅកាន់ប្រទេសបេឡារុស្សថាគ្មានការទទួលខុសត្រូវទាំងស្រុង។លោកបៃដិនបានប្រាប់ក្រុមអ្នកផ្តល់ជំនួយនៅរដ្ឋកាលីហ្វ័រញ៉ាកាលពីថ្ងៃចន្ទថា កាលពីរឆ្នាំ មុននៅពេលដែលខ្ញុំចេញពីទីនេះ ដោយនិយាយថាខ្ញុំព្រួយបារម្ភអំពីទន្លេ Colorado រីងស្ងួត មនុស្សគ្រប់គ្នាមើលមកខ្ញុំថាដូចមនុស្សឆ្កួត។
លោកបាននិយាយថាពួកគេបានមើលមកខ្ញុំដូចពេលដែលខ្ញុំនិយាយថាខ្ញុំបារម្ភអំពីលោកពូទីនប្រើប្រាស់អាវុធនុយក្លេអ៊ែរយុទ្ធសាស្ត្រប៉ុន្តែវាជាការពិត។
ការបញ្ជាក់របស់លោកបែបនេះដោយសារកាលពីសប្តាហ៍មុន ប្រធានាធិបតីបេឡារុស្ស លោក Alexander Lukashenko បាននិយាយថាប្រទេសរបស់លោកបានចាប់ផ្តើមដាក់ពង្រាយអាវុធនុយក្លេអ៊ែរបែបយុទ្ធសាស្ត្ររបស់រុស្ស៊ី ដែលអាវុធខ្លះលោកថាមានថាមពលខ្លាំងជាងគ្រាប់បែកបរមាណូដល់ទៅបីដងដែលសហរដ្ឋអាមេរិកទម្លាក់លើទីក្រុងហ៊ីរ៉ូស៊ីម៉ា និងណាហ្គាសាគី ក្នុងឆ្នាំ ១៩៤៥៕