ពេជ្រ សោភា ដែលជ្រកកោននៅហង្សមាសជាង១៦ឆ្នាំទៅហើយនោះធ្លាប់មានព័តមានថានាងក៍ជាមុខសញ្ញានៃការចង់បានរបស់ផលិតកម្មGalaxy ផងដែរក្រោយពីផលិតកម្មជើងថ្មីតែចាយលុយធំរូបនេះហ៊ានចាយលុយក្រាស់ទិញព្រាប សុវត្ថិ ពីហង្សមាសនូវតម្លៃ៣០ម៉ឺនដុល្លារនិងផ្ដល់ប្រាក់ខែ៨០០០ដុល្លារ។ ចំពោះពេជ្រ សោភា វិញធ្លាយដំណឹងកាលពីខែកញ្ញាឆ្នាំ២០២០នោះថាបើនាងព្រមទៅGalaxy នោះនឹងបានលុយចំនួនរហូតដល់ទៅ៥០ម៉ឺនដុល្លារនិងកាដូផ្សេងទៀតព្រោះតែផលិតកម្មមួយនេះចង់ឲ្យសោភា ទៅចាប់ដៃជាមួយកំពូលតារាចម្រៀងព្រាប សុវត្ថិ ឡើងវិញ។
ប៉ុន្ដែចុងក្រោយសោភា សម្រេចចិត្តក្រាញនៅហង្សមាសជាបន្ដទៀតទើបធ្វើឲ្យលោកព្រាប សុវត្ថិ គ្មានជម្រើសក្រៅតែពីច្រៀងជាមួយដៃគូជាតារាចម្រៀងស្រីវ័យក្មេងតែម្នាក់គត់នោះគឺនាងតន់ ច័ន្ទសីម៉ា ។ខណៈដែលសោភា នៅតែជាតារាហង្សមាសតទៅទៀតនោះកេរ្ដិ៍ឈ្មោះរបស់នាងហាក់នៅទ្រឹង ស្របពេលដែលនាងតន់ ច័ន្ទសីម៉ា វិញបោះពួយទៅមុខយ៉ាងលឿនស្លេវតែម្ដងទើបមានព័តមានថាសោភា ស្ដាយក្រោយព្រោះបើទៅGalaxy ម្លេះនាងក្លាយទៅជាដៃគូជាមួយលោកព្រាប សុវត្ថិ ហើយមានភាពលេចធ្លោនិងល្បីល្បាញជាងនេះជាមិនខាន…។
យ៉ាងណាក្នុងជំនួបកន្លងមកពេជ្រ សោភា ថានាងមានអ្វីៗគ្រប់យ៉ាងរហូតមកដល់ពេលនេះគឺដោយសារតែហង្សមាស។នាងលើកផលិតកម្មធំនេះថាជាអ្នកធ្វើឲ្យនាងផ្លាស់ប្ដូរជីវភាពតាមរយៈការទទួលនាងធ្វើជាតារាចម្រៀងម្នាក់ជាង១ទសវត្សន៍កន្លះមកនេះ។ប៉ុន្ដែសោភា ថានាងពិតជាមានការសោកស្ដាយដែលលែងបានច្រៀងជាមួយកំពូលតារាចម្រៀងព្រាប សុវត្ថិ ដោយនាងថាព្រោះនាងល្បីឈ្មោះបានប៉ុណ្ណេះគឺដោយសារតោងកាលីពលោកស្នាយ ច្រើនឆ្នាំណាស់។តែសោភា គ្មានបំណងចេញពីហង្សមាសដើម្បីទៅចូលរួមជាមួយGalaxy ក្នុងការមានឱកាសចាប់ដៃជាមួយលោកព្រាប សុវត្ថិ សារជាថ្មីវិញឡើយ។
បើទោះជាពេជ្រ សោភា មិនសូវមានសន្ទុះខ្លាំងដូចមុនមែនប៉ុន្ដែបទចម្រៀងដែលសោភា ធ្វើរួចនៅក្នុងកណ្ដាប់ដៃមានដល់ទៅជិត៣០បទឯណ្ណោះតែនាងមិនព្រមបញ្ចេញព្រោះខ្លាចខុសពេលវេលាដោយសារតែកូវីដមិនទាន់ស្ងាត់ទាំងស្រុង ហេតុនេះហើយគេជឿរថាពេលសោភា ព្រលែងបទទាំងនោះធ្វើឲ្យទីផ្សារចម្រៀងរបស់នាងកក្រើកឡើងវិញក៍ថាបានដែរ។
តែយ៉ាងណាសោភា នៅតែមិនទាន់រកបានដៃគូណាដែលសាកសមបំផុតក្រោយចែកផ្លូវគ្នាជាមួយងួន ចាន់ដេវីដ កាលពីឆ្នាំ២០១៦។ដោយឡែកទាក់ទងរឿងស្នេហាជាមួយប្រុសក្មេងឆឹម សក្កដា វិញសោភា ថាលែងសន្យាទៀតហើយក្រោយខកខានរៀបការ៣លើកព្រោះតែកូវីដនោះគឺនាងអាចនឹងដល់ថ្ងៃរៀបការយកតែម្ដងព្រោះមិនចង់ខកចិត្តលើកទី៤៕
