ភ្នំពេញ៖ នៅព្រឹកថ្ងៃទី៤ ខែកក្កដា ឆ្នាំ២០១៩ ក្រុមហ៊ុន METFONE និងក្រុមហ៊ុន TIGER CAPITAL DEVELOPMENT CO., LTD បានធ្វើពិធីចុះហត្ថលេខាលើកិច្ចព្រមព្រៀងនៃភាពជាដៃគូលើការផ្គត់ផ្គង់សេវា INTERNET TELEVISION នៅអគារទីស្នាក់ការកណ្តាលរបស់ក្រុមហ៊ុន METFONE ។
ដោយមើលឃើញពីតម្រូវការនៃភាពចាំបាច់របស់អតិថិជនក្នុងជីវភាពរស់នៅប្រចាំថ្ងៃ ទៅលើកម្មវិធីកម្សាន្តនានា ក្រុមហ៊ុន METFONE និង ក្រុមហ៊ុន TIGER CAPITAL DEVELOPMENT CO., LTD បានចាប់ជាដៃគូសហការលើការផ្គត់ផ្គង់សេវា INTERNET TELEVISION សម្រាប់ប្រជាជនកម្ពុជាទាំងអស់។
ជាមួយនឹងកិច្ចសហប្រតិបត្តិការនេះ អតិថិជនអ៊ីនធើរណិតរបស់មិត្តហ្វូនទាំងអស់ នឹងរីករាយជាមួយអត្ថប្រយោជន៍ជាច្រើនដូចជា៖
ប្រើប្រាស់សេវាអ៊ីនធើរណិត និងទូរទស្សន៍ តាមខ្សែកាបអុបទិកតែមួយ -បណ្តាញខ្សែតែមួយពីអ្នកផ្គត់ផ្គង់សេវាអ៊ីនធើរណិត
មើលទូរទស្សន៍ដែលមានគុណភាពខ្ពស់ ជាមួយនឹងប៉ុស្តិ៍ផ្សេងៗជាច្រើន
សន្សំសំចៃថវិកា មិនចាំបាច់ចងចាំលេខទូរស័ព្ទជំនួយបន្ថែម – Hotline ជំនួយមានតែ១ប៉ុណ្ណោះ
ទូទាត់ប្រាក់ជាមួយអ្នកទទួលប្រាក់តែ១។
អតិថិជននឹងទទួលបាននូវការទស្សនាប៉ុស្តិ៍ទូរស្សន៍ច្រើងជាង១៥០ប៉ុស្តិ៍, ខ្សែភាពយន្តថ្មីៗ ល្បីៗ រាប់ពាន់រឿង ទទួលបានការផ្តល់ជូន APP សម្រាប់ទស្សនាទូរទស្សន៍ និងកម្មវិធីកម្សាន្តនៅលើទូរស័ព្ទដៃគ្រប់ពេលវេលា គ្រប់ទីកន្លែង ។
នៅក្នុងឱកាសដាក់សម្ពោធជាផ្លូវការនូវសេវា INTERNET TELEVISION អតិថិជនចំនួន៣០០០ នាក់ដំបូង ចុះឈ្មោះប្រើប្រាស់សេវា INTERNET TELEVISION នឹងទទួលបានកម្មវិធីពិសេសដែលមិនធ្លាប់មានពីមុនមក ចុះឈ្មោះថ្ងៃនេះ បង់មុន៥ខែ ថែមជូន៧ខែ ប្រើប្រាស់ដោយឥតគិតថ្លៃ ថែមជូនការតម្លើងជូនមួយកំផ្លេ ដោយឥតគិតថ្លៃ ។
METFONE គឺជាក្រុមហ៊ុនបណ្តាញទូរស័ព្ទចល័តលេខ1 នៅកម្ពុជា ដែលបានផ្តល់សេវាកម្មទូរគមនាគមន៍ទូទាំងប្រទេស រួមមាន ទូរស័ព្ទចល័ត , ទូរស័ព្ទអចល័តឥតខ្សែ, ទូរស័ព្ទអចល័តមានខ្សែ, ePayment (eMoney) ហើយក៏កំពុងនាំមុខនៃសេវាកម្មអ៊ីនធើរណិត ខ្សែកាប្លិ៍ អុបទិក FTTH, LeaseLine ។
METFONE មានមោទនភាពក្នុងការបម្រើសេវាកម្មទៅដល់អតិថិជនជាង8លាននាក់ ជារៀងរាល់ថ្ងៃ។
ចាប់តាំងពីឆ្នាំ2009 ក្រុមហ៊ុន METFONE បានវិនិយោគទុនទឹកប្រាក់ចំនួនរាប់រយលានដុល្លារ ដើម្បីបង្កើតបណ្តាញប្រតិបត្តិករលំដាប់ពិភពលោកមួយ ដែលអាចជឿទុកចិត្តបាន ដែលមានស្ថានីយ៍ផ្សាយសេវា ចំនួន10.000អង់តែន បណ្តាញខ្សែកាបអុបទិក ជាង23,000គីឡូម៉ែត្រ ទៅដល់100% នៃគ្រប់តំបន់ភូមិ ឃុំ ស្រុក និងខេត្តក្រុង និងប្រព័ន្ធបណ្តាញសេវាគ្របដណ្តប់ រហូតដល់ 99% នៃចំនួនប្រជាជន។
METFONE គឺជាក្រុមហ៊ុនដែលមានសេវាគ្របដណ្តប់ធំទូលាយបំផុត និងជាបណ្តាញដែលមានគុណភាពល្អបំផុតនៅក្នុងប្រទេសកម្ពុជា៕
