មន្ត្រីអង្គការណាតូនិងអង់គ្លេសបានព្រមានកាលពីថ្ងៃអង្គារទី៣ ខែតុលាឆ្នាំ២០២៣ថាយោធាលោកខាងលិចកំពុងអស់គ្រាប់រំសេវដើម្បីផ្តល់ឱ្យអ៊ុយក្រែនខណៈដែលពួកគេបានជំរុញឱ្យប្រទេសនៃប្លុកនេះបង្កើនការផលិតដើម្បីរក្សាការផ្តល់ជំនួយដល់ប្រទេសអ៊ុយក្រែនក្នុងការប្រយុទ្ធប្រឆាំងនឹងការឈ្លានពានរបស់រុស្ស៊ី។ដំណឹងនៃការខ្វះខាតគ្រាប់រំសេវដែលអាចកើតមានកើតឡើងបន្ទាប់ពីលុយទិញសព្វាវុធសម្រាប់អ៊ុយក្រែនមិនត្រូវបានរាប់បញ្ចូលក្នុងវិក្កយបត្រនៃការចំណាយដែលសភាអាមេរិកបានអនុម័តកាលពីចុងសប្តាហ៍ដើម្បីជៀសវាងការបិទរដ្ឋាភិបាលសហព័ន្ធ។
ភាពមិនប្រាកដប្រជាថ្មីអំពីអនាគតនៃជំនួយរបស់សហរដ្ឋអាមេរិកបានកើតឡើងកាលពីថ្ងៃអង្គារ នៅពេលដែលប្រធានសភាអាមេរិក Kevin McCarthy ដែលតស៊ូមតិសម្រាប់ការគាំទ្រអ៊ុយក្រែនត្រូវបានបណ្តេញចេញពីតំណែងដោយសហសេវិកមកពីគណបក្សសាធារណរដ្ឋជាមួយគ្នា។
ឧត្តមនាវីឯក Rob Bauer របស់ប្រទេសហូឡង់ ដែលជាប្រធានគណៈកម្មាធិការយោធានិងជាមន្ត្រីយោធាជាន់ខ្ពស់បំផុតណាតូរបស់អង្គការណាតូបាននិយាយអំពីឃ្លាំងស្តុកគ្រាប់រំសេវរបស់ប្រទេសលោកខាងលិចកាលពីថ្ងៃអង្គារ ក្នុងអំឡុងពេលពិភាក្សាមួយនៅឯវេទិកាសន្តិសុខថា យើងមើលឃើញដល់បាតធុងហើយឥឡូវនេះ ។យើងផ្តល់ប្រព័ន្ធសព្វាវុធ និងគ្រាប់រំសេវ ទៅឲ្យអ៊ុយក្រែន គឺអស្ចារ្យ ប៉ុន្តែមិនមែនចេញពីឃ្លាំងពេញនោះទេ។
ទន្ទឹមនឹងនេះដែរ អ្នកវិភាគកំពុងព្រមានថា ឃ្លាំងអាវុធប្រជាធិបតេយ្យរបស់សហរដ្ឋអាមេរិកត្រូវចាប់ផ្តើមធ្វើការថែមម៉ោង បើមិនដូច្នោះទេ កិច្ចខិតខំប្រឹងប្រែងសង្រ្គាមរបស់អ៊ុយក្រែនអាចនឹងមានបញ្ហា។លោក Thomas Warrick ដែលជាសមាជិកជាន់ខ្ពស់នៃក្រុមប្រឹក្សាអាត្លង់ទិក បានសរសេរកាលពីសប្តាហ៍មុនថា សហរដ្ឋអាមេរិក និងសម្ព័ន្ធមិត្តកំពុងបញ្ជូនទៅកាន់ប្រទេសអ៊ុយក្រែន នូវអាវុធជាច្រើនប្រភេទ ប៉ុន្តែពួកគេមិនត្រូវបានផលិត ឬចែកចាយឱ្យបានលឿនតាមតម្រូវការនោះទេ ។ គាត់បានសរសេរបន្ថែមថាកងកម្លាំងរបស់អ៊ុយក្រែនបានបង្ហាញឱ្យឃើញថា ខ្លួនពួកគេមានភាពបត់បែន និងសម្របខ្លួន ប៉ុន្តែពួកគេចាំបាច់ត្រូវមានគ្រាប់រំសេវ និងអាវុធគ្រប់គ្រាន់ ៕