អ៊ុយក្រែន បានបើកការវាយលុកយ៉ាងខ្លាំងលើមូលដ្ឋាន កងទ័ពជើងទឹករុស្ស៊ីនៅតំបន់គ្រីមៀដែលកាន់កាប់ដោយរុស្ស៊ីកាលពីព្រឹកថ្ងៃពុធដោយបានបំផ្លាញនាវាចម្បាំងរុស្ស៊ីពីរគ្រឿង និងរបួសមនុស្ស ២៤នាក់ ដែលជាការវាយប្រហារប្រកបដោយមហិច្ឆិតាបំផុតរបស់គៀវលើកំពង់ផែ Sevastopol ចាប់តាំងពីសង្រ្គាមបានចាប់ផ្តើម។កាលពីយប់ថ្ងៃពុធកងការពារដែនអាកាសរុស្ស៊ីក៏បានបាញ់ទម្លាក់យន្តហោះគ្មានមនុស្សបើករបស់អ៊ុយក្រែនចំនួន ១១ គ្រឿងលើតំបន់គ្រីមៀ ហើយត្រូវបិទស្ពាន Kerch ដែលតភ្ជាប់ឧបទ្វីបទៅដីគោករុស្ស៊ី។
ការវាយប្រហារនេះគ្រាន់តែជាការវាយប្រហារចុងក្រោយបំផុតដើម្បីវាយលុកតំបន់គ្រីមៀ ដែលត្រូវបានរុស្ស៊ីបញ្ចូលដោយខុសច្បាប់ក្នុងឆ្នាំ ២០១៤។ អ៊ុយក្រែននិយាយថា ទីបំផុតខ្លួនមានគោលបំណងដណ្តើមយកតំបន់នេះមកវិញ។
ការបង្កើនល្បឿនវាយលុករបស់អ៊ុយក្រែនទៅលើតំបន់គ្រីមៀគឺផ្តោតទៅលើកត្តាសំខាន់២គឺៈ
១-សារៈសំខាន់យុទ្ធសាស្ត្រ ៖ការវាយប្រហារជាច្រើនរបស់អ៊ុយក្រែនគឺក្នុងគោលបំណស្វែងរកការបំផ្លាញនាវា និងមូលដ្ឋានទ័ពជើងទឹករបស់រុស្ស៊ី ដែលឈរជើងនៅគ្រីមៀ។ចាប់តាំងពីរុស្ស៊ីបានអនុញ្ញាតឱ្យ ត្រូវលុបចោលកិច្ចព្រមព្រៀងគ្រាប់ធញ្ញជាតិកាលពីខែកក្កដា កងនាវាសមុទ្រខ្មៅរបស់ខ្លួនត្រូវបានប្រើដើម្បីបិទច្រករបស់អ៊ុយក្រែន ដោយរារាំងការដឹកជញ្ជូនគ្រាប់ធញ្ញជាតិ។
កងនាវានេះក៏ត្រូវបានគេប្រើដើម្បីវាយប្រហារទឹកដីអ៊ុយក្រែនពីសមុទ្រផងដែរជាពិសេសនៅក្នុងការទម្លាក់គ្រាប់បែករបស់ខ្លួនលើកន្លែងផ្ទុកគ្រាប់ធញ្ញជាតិអ៊ុយក្រែន និងហេដ្ឋារចនាសម្ព័ន្ធកំពង់ផែនៅ Odesa ។ដោយបើកការវាយប្រហារដោយខ្លួនឯងទៅលើនាវាចម្បាំង និងមូលដ្ឋានទ័ពជើងទឹករបស់រុស្ស៊ីនៅ Sevastopol អ៊ុយក្រែនបានព្យាយាមកំណត់សក្តានុពលប្រតិបត្តិការរបស់កងទ័ពជើងទឹករុស្ស៊ី។
២-សារៈសំខាន់ជានិមិត្តរូប ៖ការវាយប្រហារលើគ្រីមៀក៏មានតម្លៃជានិមិត្តរូប និងមានបំណងបំផ្លាញកិត្យានុភាពរបស់ប្រធានាធិបតីរុស្ស៊ី លោក វ្ល៉ាឌីមៀ ពូទីន។ លោក ពូទីន បានបញ្ជាក់យ៉ាងច្បាស់ថា លោកមានបំណងបង្រួបបង្រួម រុស្ស៊ីនិងអ៊ុយក្រែនឡើងវិញដែលលោកមើលឃើញថាជាប្រទេសតែមួយ។
ស្ពាន Kerch គឺជាការបង្ហាញរូបរាងនៃគោលបំណងនេះ។ លោក ពូទីន បានសាងសង់ស្ពានប្រវែងជាង១៩គីឡូម៉ែត្រ ម៉ាយ ដែលជាស្ពាន វែងបំផុតនៅអឺរ៉ុប ដោយចំណាយអស់ប្រហែល ៣,៧ពាន់លានដុល្លារ។ នៅថ្ងៃបើកដំណើរការនៅឆ្នាំ ២០១៨ លោកពូទីនបានដឹកនាំក្បួនរថយន្តឆ្លងកាត់ស្ពានក្នុងការបង្ហាញជ័យជំនះនៃស្នេហាជាតិរុស្ស៊ី។
អ៊ុយក្រែនបានជេរប្រមាថស្ពាននេះជាយូរមកហើយ ហើយបានកំណត់គោលដៅវាអំឡុងពេលសង្គ្រាម។ កាលពីថ្ងៃទី ៨ខែតុលាឆ្នាំមុន ដែលជាថ្ងៃបន្ទាប់ពីលោកពូទីនមានអាយុ ៧០ឆ្នាំ ស្ពាននេះត្រូវបានបំផ្លាញដោយផ្នែកនៅពេលដែលរថយន្តដឹកប្រេងបានផ្ទុះ និងខូចខាតផ្នែកធំនៃផ្លូវ។ មន្ត្រីអ៊ុយក្រែនបានឆ្លើយតបនឹងការវាយប្រហារដោយបង្ហោះវីដេអូស្ពានដែលកំពុងឆេះ ។
អ៊ុយក្រែនបានប្រើប្រាស់យន្តហោះគ្មានមនុស្សបើកក្នុងសមុទ្រដើម្បីបើកការវាយប្រហារជោគជ័យលើកទីពីរលើស្ពានកាលពីខែកក្កដាឆ្នាំនេះដោយបង្ហាញជាថ្មីម្តងទៀតថាតើវាលំបាកយ៉ាងណាក្នុងការការពារទំនាក់ទំនងឯករាជ្យរបស់រុស្ស៊ីតែមួយគត់ទៅកាន់ឧបទ្វីបនេះ។
ការកើនឡើងនៃការវាយប្រហារលើ Crimea ក៏បានបង្ខំឱ្យអ្នកទេសចររុស្ស៊ីជាច្រើន គេចចេញពីឧបទ្វីបនេះ ដែលជាកន្លែងវិស្សមកាលដ៏ពេញនិយមជាយូរមកហើយ។
អ៊ុយក្រែន បាញ់ទម្លាក់យន្តហោះគ្មានមនុស្សបើកចំនួន ១៧ គ្រឿង
អ៊ុយក្រែនបាននិយាយកាលពីថ្ងៃព្រហស្បតិ៍ថា ខ្លួនបានបាញ់ទម្លាក់យន្តហោះគ្មានមនុស្សបើករុស្ស៊ី ១៧គ្រឿងក្នុងចំណោម ២២ គ្រឿងដែលវាយប្រហារទឹកដីរបស់ខ្លួនពេញមួយយប់នៅភាគខាងត្បូង កណ្តាល និងខាងជើងរបស់ប្រទេស។
នៅយប់ថ្ងៃទី១៤ខែកញ្ញាឆ្នាំ ២០២៣ចាប់ពីម៉ោង ៩យប់ដល់ម៉ោង ២និង៣០នាទី ព្រឹក ពួកឈ្លានពានរុស្ស៊ីបានវាយប្រហារអ៊ុយក្រែនជាមួយនឹងក្រុមយន្តហោះគ្មានមនុស្សបើ ប្រភេទ Shahed-136/131 មកពីបីទិស ៕