ជំនន់ទឹកភ្លៀងស្លាប់ ៣៣នាក់ បាត់ខ្លួន១៨ ខណៈជប៉ុន និងកូរ៉េខាងត្បូង ប្រកាសអាសន្នកម្រិតខ្ពស់

មន្ត្រីចិនម្នាក់បាននិយាយកាលពីថ្ងៃពុធ ៩ សីហាថា មនុស្សចំនួន ៣៣ នាក់ត្រូវបានបញ្ជាក់ថាស្លាប់ និង ១៨ នាក់ ទៀតកំពុងបាត់ខ្លួនបន្ទាប់ពីភ្លៀងធ្លាក់ខ្លាំងបំផុតក្នុងទីក្រុងប៉េកាំង។ទីក្រុងប៉េកាំងរបស់ប្រទេសចិនបានរងការ វាយប្រហារដោយភ្លៀងធ្លាក់ខ្លាំងក្នុងរយៈពេលប៉ុន្មានសប្តាហ៍ថ្មីៗនេះ ដោយបានបំផ្លាញហេដ្ឋារចនាសម្ព័ន្ធនិង ការជន់លិចតំបន់ជាយក្រុងរបស់ទីក្រុង និងតំបន់ជុំវិញ។

ប្រព័ន្ធផ្សព្វផ្សាយរដ្ឋបានរាយការណ៍ថា ទឹកជំនន់នៅក្នុងខេត្ត Sichuan ភាគនិរតីនៃប្រទេសចិនក៏បានសម្លាប់ មនុស្សប្រាំពីរនាក់ផងដែរកាលពីថ្ងៃពុធ។

អាជ្ញាធរនៅទីក្រុងប៉េកាំងបាននិយាយកាលពីថ្ងៃពុធថាមនុស្ស ៣៣នាក់បានស្លាប់នៅក្នុងអាកាសធាតុ អាក្រក់នា ពេលថ្មីៗនេះ ដោយទឹកជំនន់និងការដួលរលំអគារដែលស្ទើរតែបីដងនៃតួលេខដែលផ្តល់ ដោយក្រុមមន្ត្រីកាលពី ថ្ងៃអង្គារសប្តាហ៍មុន ។

          ព្យុះ Khanun ធ្វើឲ្យជប៉ុន និងកូរ៉េខាងត្បូងប្រកាសអាសន្ន

ក្រុមហ៊ុនអាកាសចរណ៍បានលុបចោលជើងហោះហើរជាច្រើនរយ ហើយអាជ្ញាធរបានចេញការ ព្រមានកាល ពីថ្ងៃពុធ ទី ៩ សីហាខណៈដែលព្យុះត្រូពិច Khanun បានបក់ចេញពីឆ្នេរសមុទ្រភាគខាងត្បូងរបស់ ប្រទេសជប៉ុន ឆ្ពោះទៅកាន់ប្រទេសកូរ៉េខាងត្បូង។

កាលពីថ្ងៃពុធផ្ទះប្រហែល១៦០០០ គ្រួសារគ្មានថាមពល ខណៈភ្លៀងធ្លាក់ខ្លាំងបានបោកបក់លើកោះ Kyushu ភាគ ខាងត្បូងប្រទេសជប៉ុន។

ទីភ្នាក់ងារឧតុនិយមជប៉ុនបានព្រមានអំពីភ្លៀងធ្លាក់ខ្លាំង និងហានិភ័យ កើនឡើងនៃ ការរអិលបាក់ដី និងទឹក ជំនន់ដែលគំរាមកំហែងដល់អាយុជីវិតនៅក្នុងតំបន់ Kagoshima របស់កោះនេះ។អ្នកនាំពាក្យបានប្រាប់ AFP ថា ក្រុមហ៊ុនអាកាសចរណ៍ជប៉ុនកាលពីថ្ងៃពុធបានលុបចោល ជើងហោះហើរចំនួន ២៥២ដែលប៉ះពាល់ដល់អ្នក ដំណើរប្រហែល ២៥០០០នាក់។ប្រព័ន្ធអាកាសធាតុដែលបានសម្លាប់មនុស្សយ៉ាង ហោចណាស់ពីរនាក់នៅក្នុងតំ បន់អូគីណាវ៉ាកាលពីសប្តាហ៍មុន។

ចំណែកនៅក្នុងប្រទេសកូរ៉េខាងត្បូងជាកន្លែងដែលខ្យល់ព្យុះ Khanun ត្រូវបានគេរំពឹងថានឹងមកដល់នៅ ថ្ងៃ ព្រហស្បតិ៍ ជើងហោះហើរជិត ៨០នៅអាកាសយានដ្ឋានចំនួន ១០ និងសេវាស្រឡាងរាប់សិបត្រូវបានផ្អាក។ក្រសួងមហាផ្ទៃបាននិយាយថាទីក្រុងសេអ៊ូលបានបង្កើនកម្រិតប្រកាសអាសន្នដល់កម្រិតខ្ពស់បំផុតរបស់ខ្លួន ដោយព្យុះទីហ្វុងត្រូវបានគេរំពឹងថានឹងមាន ផលប៉ះពាល់ដោយផ្ទាល់លើប្រទេសទាំងមូលចាប់ពីថ្ងៃពុធ ដល់ថ្ងៃ សុក្រ៕