នាយករដ្ឋមន្ត្រីអូស្ត្រាលីលោក Anthony Albanese បាននិយាយនៅថ្ងៃព្រហស្បតិ៍ទី១៤ ខែមិថុនាឆ្នាំ២០២៣ ថា រដ្ឋាភិបាលនឹងរារាំងការសាងសង់ស្ថានទូតរុស្ស៊ីថ្មីនៅជិតវិមានរដ្ឋសភារបស់ប្រទេសដោយលើកឡើងពីការគំរាមកំហែងដល់សន្តិសុខជាតិ។នេះបើយោយតាមការចេញផ្សាយដោយទីភ្នាក់ងារសារព័ត៌មានAFP ។បច្ចុប្បន្ន រុស្ស៊ីទទួលបានការជួលដីមួយកន្លែងនៅជិតវិមានសភាក្នុងរដ្ឋធានីកង់បេរ៉ា ជាកន្លែងដែលខ្លួនបានគ្រោងនឹងសាងសង់អគារស្ថានទូតថ្មី។
លោក Albanese បាននិយាយថា បន្ទាប់ពីទទួលបានការណែនាំពីភ្នាក់ងារស៊ើបការណ៍សម្ងាត់ ច្បាប់ថ្មីនឹងត្រូវបានណែនាំដើម្បីទប់ស្កាត់ការអភិវឌ្ឍន៍ផ្អែកលើមូលដ្ឋានសន្តិសុខជាតិ។
លោកបានប្រាប់អ្នកយកព័ត៌មានថា រដ្ឋាភិបាលបានទទួលដំបូន្មានសន្តិសុខយ៉ាងច្បាស់លាស់ចំពោះហានិភ័យដែលបង្កឡើងដោយវត្តមានស្ថានទូតរុស្ស៊ីថ្មីនៅជិតវិមានសភា។យើងកំពុងចាត់វិធានការយ៉ាងឆាប់រហ័សដើម្បីធានាថាកន្លែងជួលនេះនឹងមិនមានវត្តមានស្ថានទូតផ្លូវការ។រដ្ឋមន្ត្រីក្រសួងមហាផ្ទៃលោកស្រី Clare O’Neil បានពណ៌នាតំបន់នោះថ នៅជាប់ផ្ទាល់ទៅនឹងអគារសភា។
ស្ថានទូតរុស្ស៊ីធ្លាប់បានប្រកាសថា ខ្លួនបានប្ដេជ្ញាចិត្តក្នុងការបញ្ចប់ការសាងសង់នេះ បើទោះជាអូស្ត្រាលីជំទាស់ក៏ដោយ៕