ការសិក្សាថ្មីមួយដែលត្រូវបានចេញផ្សាយនៅក្នុងទស្សនាវដ្តីLancet បានរកឃើញថាមនុស្ស ១០១លាននាក់ នៅក្នុងប្រទេសឥណ្ឌា ស្មើនឹង១១,៤% នៃចំនួនប្រជាជនកំពុងរស់នៅជាមួយជំងឺទឹកនោមផ្អែម។នេះបើយោង តាមការចេញផ្សាយរបស់សារព័ត៌មានប៊ីប៊ីស៊ីកាលពីថ្ងៃសុក្រទី៩ខែមិថុនាឆ្នាំ២០២៣។
ការសិក្សាដែលធ្វើឡើងដោយក្រសួងសុខាភិបាលក៏បានរកឃើញថាមនុស្ស១៣៦លាននាក់ ឬស្មើនឹង១៥,៣%នៃប្រជាជនកំពុងរស់នៅជាមួយនឹងតំណាកាលឈានចូលដល់ជំងឺទឹកនោមផ្អែម(Pre-diabets.)។
ជំងឺទឹកនោមផ្អែមគឺជាជំងឺមួយដែលលំពែងមិនអាចផលិតអាំងស៊ុយលីនបាន។វាត្រូវបានកំណត់លក្ខណៈ ដោយ កម្រិតជាតិស្ករក្នុងឈាមខ្ពស់ដែលមិនអាចគ្រប់គ្រងបានហើយវាអាចត្រូវបានគ្រប់គ្រងដោយការចាក់អាំងស៊ុយលីន។អ្នកស្រាវជ្រាវបាននិយាយថា ពួកគេបានរកឃើញថា អត្រាប្រេវ៉ាឡង់នៃជំងឺទឹកនោមផ្អែមនៅក្នុងប្រជាជន ឥណ្ឌាគឺខ្ពស់ជាងការប៉ាន់ស្មានពីមុន។ អង្គការសុខភាពពិភពលោកបានប៉ាន់ប្រមាណថា មនុស្ស៧៧លាននាក់ ដែលមានជំងឺទឹកនោមផ្អែមហើយជិត២៥លាននាក់ជិតឈានដល់តំណាក់កាលកើតជំងឺទឹកនោមផ្អែមដែលមានហានិភ័យខ្ពស់នៃការវិវត្តទៅជាជំងឺទឹកនោមផ្អែមនាពេលអនាគតដ៏ខ្លី។
លោកស្រីវេជ្ជបណ្ឌិត RM Anjana អ្នកដឹកនាំការស្រាវជ្រាវនិងជានាយកគ្រប់គ្រងនៅ មជ្ឈមណ្ឌលឯកទេសជំងឺ ទឹកនោមផ្អែម បានប្រាប់កាសែត The Indian Express ថា វាគឺជាកំណត់ពេលវេលាបំផ្ទុះគ្រាប់បែក។
លោកស្រីបានបន្តថា៖ «ប្រសិនបើអ្នកមានPre -diabetes វានឹងបំប្លែងទៅជាជំងឺទឹកនោមផ្អែម លឿនណាស់នៅ ក្នុង ប្រជាជនយើង ហើយជាង ៦០% នៃអ្នក Pre -diabetes នឹងក្លាយទៅជាជំងឺទឹកនោមផ្អែមក្នុងរយៈពេល ៥ ឆ្នាំខាងមុខ។
លោកវេជ្ជបណ្ឌិត RM Anjana អ្នកដឹកនាំការស្រាវជ្រាវនិងជានាយកគ្រប់គ្រងនៃវេជ្ជបណ្ឌិត Mohan’s Diabetes ប៉ះពាល់ដល់មនុស្សពេញវ័យម្នាក់ក្នុងចំណោម ១១នាក់នៅទូទាំងពិភពលោក និងបង្កើនហានិភ័យនៃការគាំង បេះដូង ដាច់សរសៃឈាមខួរក្បាល ពិការភ្នែក ខ្សោយតម្រងនោម និងកាត់អវយវៈ៕