អាមេរិកចេញគោលការណ៍ណែនាំការពារហ្វីលីពីនពីការវាយប្រហារនៅសមុទ្រចិនខាងត្បូងសហរដ្ឋអាមេរិកបានដាក់ចេញយ៉ាងច្បាស់លាស់នូវវិសាលភាពនៃការប្តេជ្ញាចិត្តលើសន្ធិសញ្ញាការពារជាតិរបស់ខ្លួនចំពោះប្រទេសហ្វីលីពីនដោយបានចេញគោលការណ៍ណែនាំថ្មីសំដៅជាពិសេសទៅលើការវាយប្រហារនៅសមុទ្រចិនខាងត្បូង រួមទាំងការការពារឆ្នេរសមុទ្ររបស់ហ្វីលីពីន។
គោលការណ៍ណែនាំការពារទ្វេភាគីប្រាំមួយទំព័របានយល់ព្រមនៅទីក្រុងវ៉ាស៊ីនតោនកាលពីថ្ងៃពុធទី៣ខែឧសភាធ្វើតាមការជំរុញជាថ្មីក្រោមការដឹកនាំរបស់ប្រធានាធិបតី ហ្វើឌីណាន់ ម៉ាកូស ដើម្បីធ្វើបច្ចុប្បន្នភាពសន្ធិសញ្ញាការពារទៅវិញទៅមកជាមួយអតីតមេដឹកនាំអាណានិគម នៅពេលដែលមានភាពតានតឹងកើនឡើងនិងការប្រឈមមុខដាក់គ្នាលើដែនសមុទ្រជាមួយប្រទេសចិន។
គោលការណ៍ណែនាំបាននិយាយថា ការប្តេជ្ញាចិត្តនៃសន្ធិសញ្ញាទ្វេភាគីនឹងត្រូវធ្វើឡើង ប្រសិនបើភាគីណាមួយ(អាមេរិកឬហ្វីលីពីន)ត្រូវបានវាយប្រហារជាពិសេសនៅក្នុងសមុទ្រចិនខាងត្បូង និងប្រសិនបើនាវាឆ្មាំឆ្នេរសមុទ្រជាគោលដៅវាយប្រហារពីសត្រូវ។
លោក Rommel Ong អតីតមេបញ្ជាការរងនៃកងទ័ពជើងទឹកហ្វីលីពីន និងជាសាស្ត្រាចារ្យនៅសាលា Ateneo School of Government បាននិយាយថា គោលការណ៍ណែនាំនេះផ្ញើ ការព្រមានដល់ប្រទេសចិនប្រឆាំងនឹងការកំណត់គោលដៅឆ្មាំឆ្នេរសមុទ្រហ្វីលីពីន។ពាក់ព័ន្ធទៅនឹងបញ្ហានេះក្រសួងការបរទេសចិនកាលពីថ្ងៃព្រហស្បតិ៍បាននិយាយថា ខ្លួនប្រឆាំងនឹងការប្រើប្រាស់សន្ធិសញ្ញាការពារជាតិទ្វេភាគីដើម្បីជ្រៀតជ្រែកនៅក្នុងសមុទ្រចិនខាងត្បូងដែល មិនគួរជាកន្លែងប្រមាញ់សម្រាប់កងកម្លាំងខាងក្រៅ៕