ប្រធានាធិបតីអ៊ុយក្រែនលោក ហ្សេឡិនស្គីបានអំពាវនាវសាជាថ្មីម្តងទៀតអោយមមេដឹកនាំអឺរ៉ុបឱ្យបង្កើនការផ្គត់ផ្គង់អាវុធទំនើបយ៉ាងឆាប់រហ័សដល់កងកម្លាំងរបស់លោក ជាពិសេសយន្តហោះចម្បាំង និងប្រព័ន្ធមីស៊ីលរយៈចម្ងាយឆ្ងាយ បើមិនដូច្នេះទេ ពួកគេគួរតែរៀបចំសម្រាប់សង្រ្គាមដែលអូសបន្លាយជាច្រើនឆ្នាំ។
ថ្លែងនៅលើរថភ្លើងទៅកាន់ទីក្រុងគៀវ បន្ទាប់ពីដំណើរទស្សនកិច្ចលើកទីបីរយៈពេលពីរថ្ងៃទៅកាន់តំបន់ដែលរងការបំផ្លិចបំផ្លាញដោយសង្រ្គាមនៅជិតខ្សែបន្ទាត់ជួរមុខនៅភាគខាងត្បូង និងភាគខាងកើតនៃប្រទេសអ៊ុយក្រែន លោកហ្សេឡិនស្គីបានផ្តល់ដំណើររឿងដ៏រំជួលចិត្តអំពីអ្វីដែលគាត់បានឃើញនៅពេលដែលគាត់បានថ្លែងទៅកាន់កិច្ចប្រជុំកំពូលនៃមេដឹកនាំសហភាពអឺរ៉ុបដែលបានប្រមូលផ្តុំ។ នេះបើយោងតាមមន្ត្រីសហភាពអឺរ៉ុបម្នាក់បាននិយាយថានៅទីក្រុងព្រុចសែលតាមរយៈវីដេអូភ្ជាប់។
នៅក្នុងសុន្ទរកថាដ៏វែង និងមុតស្រួចនៅពេលនោះ លោក ហ្សេឡិនស្គីកាលពីថ្ងៃព្រហស្បតិ៍បាននិយាយថាវាអាស្រ័យលើសហភាពអឺរ៉ុបដើម្បីចាត់វិធានការទប់ស្កាត់រុស្ស៊ី ខណៈដែលការលុកលុយមកលើប្រទេសអ៊ុយក្រែនឈានចូលដល់ឆ្នាំទីពីរ។
បើទោះជាលោកបានស្វាគមន៍ចំពោះផែនការថ្មីរបស់សហភាពអឺរ៉ុបក្នុងការបញ្ជូនកាំភ្លើងធំចំនួន ១ លានគ្រាប់ទៅកាន់ទីក្រុងគៀវ លោកនៅតែបានរក្សាការទាមទារសម្រាប់យន្តហោះចម្បាំង និងមីស៊ីលដែលលោកជឿជាក់ថានឹងមានប្រសិទ្ធភាពជាងក្នុងការរុញច្រានកងកម្លាំងរុស្ស៊ីត្រឡប់ទៅវិញ។
លោកហ្សេឡិនស្គីបានប្រាប់សហភាពអឺរ៉ុបថាប្រសិនបើអឺរ៉ុបរង់ចាំ អំពើអាក្រក់អាចមានពេលវេលាដើម្បីប្រមូលផ្តុំ និងរៀបចំសម្រាប់សង្គ្រាមជាច្រើនឆ្នាំ។ វាស្ថិតនៅក្នុងអំណាចរបស់អ្នកក្នុងការទប់ស្កាត់រឿងនេះ។
មេដឹកនាំអ៊ុយក្រែនបាននិយាយថា វាគឺជាសហភាពអឺរ៉ុប ដែលបានពន្យារពេលការសម្រេចចិត្តលើការផ្តល់អាវុធរយៈចម្ងាយឆ្ងាយ និងយន្តហោះចម្បាំងទំនើប ក៏ដូចជាក្នុងការឆ្ពោះទៅមុខជាមួយនឹងកិច្ចពិភាក្សាស្តីពីការផ្តល់សមាជិកភាពសហភាពអឺរ៉ុបដល់ប្រទេសរបស់លោក។
លោកបានបន្តថាសហសេវិកជាទីរាប់អាន តើអ្នកមិនមានអារម្មណ៍ថាយើងបានទទួលជោគជ័យតិចជាងការពន្យារពេលក្នុងសកម្មភាពរួមរបស់យើងទេឬ?។ យើងមិនអាចបន្តពន្យារពេលផ្ទេរសព្វាវុធទៅទាហានរបស់យើងបានទេ… យើងត្រូវការយន្តហោះទំនើបៗ។ យើងបាននិយាយអំពីរឿងនេះ។ តើមានការលើកទឹកចិត្តសមហេតុផលណាមួយក្នុងការពន្យារពេលទាក់ទងនឹងយន្តហោះទំនើបមែនទេ?៕