កាលពីថ្ងៃព្រហស្បតិ៍ទី៧ខែមេសាឆ្នាំ២០២២មហាសន្និបាតអង្គការសហប្រជាជាតិបានបោះឆ្នោតអនុម័តព្យួរប្រទេសរុស្ស៊ី ពីក្រុមប្រឹក្សាសិទ្ធិមនុស្សពីបទប្រព្រឹត្តអំពើឃោរឃៅជាក់ស្តែងនៅក្នុងប្រទេសអ៊ុយក្រែន។ ច្បាប់ដំណោះស្រាយដែលជំរុញនិងដឹកនាំដោយសហរដ្ឋអាមេរិកទទួលបានសំឡេងគាំទ្រចំនួន៩៣ ខណៈប្រទេសចំនួន ២៤ បានបោះឆ្នោតប្រឆាំនិង៥៨ ប្រទេសអនុបវាទ។ ដើម្បីដកប្រទេសសមាជិកណាមួយចេញពីអង្គការនេះវាត្រូវការសំឡេងភាគច្រើនពីរភាគបីនៃសមាជិកបោះឆ្នោតនៅក្នុងមហាសន្និបាតដែលមានសមាជិក 193 នាក់នៅទីក្រុងញូវយ៉ក ដោយមិនរាប់បញ្ចូលសំឡេងអនុបវាទ។
ថ្លែងបន្ទាប់ពីការបោះឆ្នោតឯកអគ្គរដ្ឋទូតរងអង្គការសហប្រជាជាតិរបស់រុស្ស៊ីលោកឲGennadyKuzminបានពណ៌នាចំណាត់ការនេះថាជាជំហានដែលមិនស្របច្បាប់និងនយោបាយហើយបន្ទាប់មកបានប្រកាសថារុស្ស៊ីបានសម្រេចចិត្តចាកចេញពីក្រុមប្រឹក្សាសិទ្ធិមនុស្សទាំងស្រុង។
ចំណែកឯលោក Sergiy Kyslytsya ឯកអគ្គរដ្ឋទូតអ៊ុយក្រែ ប្រចាំអង្គការសហប្រជាជាតិ បានប្រាប់អ្នកយកព័ត៌មានថា អ្នកមិនដាក់ពាក្យលាលែងពីតំណែងរបស់អ្នកទេ បន្ទាប់ពីអ្នកត្រូវបានបណ្តេញចេញ។
ឯកអគ្គរដ្ឋទូតសហរដ្ឋអាមេរិកប្រចាំអង្គការសហប្រជាជាតិ លោកស្រី Linda Thomas-Greenfield បាននិយាយថា អង្គការសហប្រជាជាតិ បានផ្ញើសារយ៉ាងច្បាស់ថា ការឈឺចាប់របស់ជនរងគ្រោះនិងអ្នករស់រានមានជីវិតនឹងមិនត្រូវបានគេអើពើឡើយ ។
លោកស្រីបានបញ្ជាក់ថាយើងធានាថាអ្នករំលោភសិទ្ធិមនុស្ស ធ្ងន់ធ្ងរនឹងមិនត្រូវបានអនុញ្ញាតឱ្យកាន់កាប់តំណែងជាអ្នកដឹកនាំស្តីពីសិទ្ធិមនុស្សនៅអង្គការសហប្រជាជាតិទេ៕