ការសិក្សារបស់សាកលវិទ្យាល័យ Oxford បានរកឃើញថាជំងឹកូវីដ-១៩ អាចបណ្តាលឱ្យខួរក្បាលរួញតូច កាត់បន្ថយសារធាតុពណ៌ប្រផេះនៅក្នុងតំបន់ដែលគ្រប់គ្រងអារម្មណ៍និងការចងចាំនិងធ្វើឱ្យខូចតំបន់ដែលគ្រប់គ្រងក្លិន។នេះបើយោងតាមការចេញផ្សាយរបស់សារព័ត៌មានរ៉យទ័រ។
អ្នកវិទ្យាសាស្ត្របាននិយាយថាផលប៉ះពាល់ត្រូវបានគេរកឃើញសូម្បីតែមនុស្សដែលមិនទាន់បានសម្រាកព្យាបាលនៅមន្ទីរពេទ្យដោយជំងឺកូវីដ-១៩ក៏ដោយ។អ្នកស្រាវជ្រាវបាននិយាយកាលពីម្សិលមិញថាមានភស្តុតាងរឹងមាំសម្រាប់ភាពមិនប្រក្រតីទាក់ទងនឹងខួរក្បាលនៅដោយជំងឺខួរក្បាល។
ទោះបីជាក្នុងករណីស្រាលក៏ដោយអ្នកចូលរួមក្នុងការស្រាវជ្រាវបានបង្ហាញពីភាពកាន់តែអាក្រក់នៃមុខងារប្រតិបត្តិរបស់ខួរក្បាលដែលទទួលខុសត្រូវចំពោះការផ្តោតអារម្មណ៍ និងការរៀបចំ ហើយទំហំខួរក្បាលជាមធ្យមបានធ្លាក់ចុះពី 0.2 ភាគរយទៅ 2 ភាគរយ។
ការសិក្សាដែលបានបោះពុម្ពផ្សាយនៅក្នុងទស្សនាវដ្តី Nature បានអង្កេតឃើញថាមានការផ្លាស់ប្តូរខួរក្បាលនៅក្នុងអ្នកចូលរួម 785 នាក់ដែលមានអាយុពី 51-81ឆ្នាំដែលខួរក្បាលរបស់ពួកគេត្រូវ
បានស្កេនពីរដង រួមទាំងមនុស្ស 401 នាក់ដែលមានជំងឺកូវីដ-១៩ ។ ការស្កេនលើកទីពីរត្រូវបានធ្វើឡើងជាមធ្យម 141 ថ្ងៃបន្ទាប់ពីការស្កេនលើកដំបូង។
អ្នកស្រាវជ្រាវមិនបាននិយាយថា តើការចាក់វ៉ាក់សាំងប្រឆាំង កូវីដ-១៩មានផលប៉ះពាល់អ្វីដល់ស្ថានភាពនោះទេ ប៉ុន្តែទីភ្នាក់ងារសន្តិសុខសុខភាពរបស់ចក្រភពអង់គ្លេសបាននិយាយកាលពីខែមុនថា ការពិនិត្យឡើងវិញនៃការសិក្សាចំនួន 15 បានរកឃើញថាអ្នកដែលបានចាក់វ៉ាក់សាំងគឺប្រហែលពាក់កណ្តាលទំនងជាវិវត្តទៅជារោគសញ្ញាកូវីដ-១៩យូរ បើធៀបនឹងអ្នកដែលមិនបានចាក់វ៉ាក់សាំង៕