លោកAkihiko Hoshide របស់ប្រទេសជប៉ុន និងអវកាសយានិកបីនាក់ផ្សេងទៀតបានត្រឡប់មកផែនដីវិញដោយសុវត្ថិភាពកាលពីយប់ថ្ងៃចន្ទដោយជិះលើយានអវកាស SpaceX បន្ទាប់ពីចំណាយពេលប្រហែល 200 ថ្ងៃនៅក្នុងលំហអាកាស។នេះបើយោងតាមប្រភពត៌មានជប៉ុនក្យូដូចេញផ្សាយកាលពីថ្ងៃអង្គារទី ៩ វិច្ឆិកា២០២១។
យាន Crew Dragon ដែលត្រូវបានបង្កើតឡើងដោយក្រុមហ៊ុន US Space Exploration Technologies Corp. ឬ SpaceX បានទម្លាក់ខ្លួនទៅក្នុងសមុទ្ររដ្ឋផ្លរីដា បន្ទាប់ពីបញ្ចប់ការធ្វើដំណើរពីស្ថានីយអវកាសអន្តរជាតិលើកទី 3 ។
យានCrewDragonរួមទាំងរ៉ុក្កែតFalcon9និងប្រព័ន្ធជាប់ពាក់ព័ន្ធ ដីត្រូវបានបញ្ជាក់កាលពីឆ្នាំមុនដោយ NASA សម្រាប់ជើងហោះហើរទៀងទាត់ជាមួយអវកាសយានិក បានក្លាយជាប្រព័ន្ធពាណិជ្ជកម្មដំបូងគេក្នុងប្រវត្តិសាស្ត្រដែលសម្រេចបាននូវការរចនាបែបនេះ។
Hoshide អាយុ 52 ឆ្នាំបានក្លាយជាអវកាសយានិកជប៉ុនទី 2 ដែលបានហោះហើរនៅលើយាន Crew Dragon បន្ទាប់ពី Soichi Noguchi អាយុ 56 ឆ្នាំ។ Hoshide ក៏ជាជនជាតិជប៉ុនទីពីរបន្ទាប់ពី Noguchi ដែលបានបញ្ចប់ការហោះហើរនៅលើយានអវកាសចំនួន 3 រួមមាន យានអវកាសអាមេរិក Shuttle យាន Soyuz របស់រុស្ស៊ី និង Crew Dragon ។
សមាជិកផ្សេងទៀតដែលបានធ្វើដំណើរជាមួយលោក Hoshide គឺជាផ្នែកមួយនៃបេសកកម្ម SpaceX Crew-2 គឺ លោកShane Kimbrough និង Megan McArthur សមាជិករបស់អង្គការ NASA និង Thomas Pesquet នៃទីភ្នាក់ងារអវកាសអឺរ៉ុប។
លោក Hoshide បានបម្រើការជាមេបញ្ជាការ ISS ក្នុងអំឡុងពេលបេសកកម្មនិងធ្វើការពិសោធន៍ជាមួយសមាជិកនាវិកផ្សេងទៀតនៅលើគន្លងផែនដីរួមទាំងការស្រាវជ្រាវអំពីរបៀបដែលកោសិកាដឹងពីទំនាញផែនដី។លោកក៏បានចូលរួមក្នុងសកម្មភាពនៅខាងក្រៅស្ថានីយ៍ដោយបង្កើនពេលវេលាដើរលំហអាកាសដល់28ម៉ោងនិង17នាទីដែលជាចំនួនសរុបខ្ពស់ជាងមិត្តរួមការងារជប៉ុនរបស់គាត់ទាំងអស់។
នៅក្នុងខែកញ្ញា ក្រុមហ៊ុនបានបង្កើតប្រវត្តិសាស្ត្រម្តងទៀត ដោយបានបញ្ជូនពលរដ្ឋឯកជន 4 នាក់នៅលើនាវា Crew Dragon សម្រាប់ដំណើរកម្សាន្តរយៈពេល 3 ថ្ងៃ ដែលបានក្លាយជានាវិកពេញលេញដំបូងគេនៃអវកាសយានិកមិនអាជីពដែលធ្វើរង្វង់មូលផែនដីពីលំហ។
អវកាសយានិកជប៉ុន Koichi Wakata អាយុ 58 ឆ្នាំក៏ត្រូវបានគេរំពឹងថានឹងធ្វើដំណើរនៅលើកប៉ាល់ SpaceX ដែលនឹងត្រូវបានដាក់ឱ្យដំណើរការនៅរដូវស្លឹកឈើជ្រុះឆ្នាំ 2022ឬក្រោយនេះនេះបើយោងតាមទីភ្នាក់ងាររុករកអវកាសជប៉ុន៕
