ខេមរៈ សិរីមន្ដ ធ្លាប់ប្រាប់តាមទូរស័ព្ទថាការដើរក្នុងវិថីសិល្បៈចម្រៀងរបស់លោកគឺមានការគូសវាសកំណត់គោលដៅរួចជាស្រេចទៅហើយថាឆ្នាំណាត្រូវធ្វើអី និងឆ្នាំណាមិនទាន់ធ្វើអី ហើយបើដើរខុសផែនការណ៍នោះលោកមិនធ្វើជាដាច់ខាត។ក្រោយការលើកឡើងបែបនេះមានមតិមហាជនលើកឡើងថាតើអ្នកណាជាទីប្រឹក្សាររបសខេមរៈ សិរីមន្ដ ដែលធ្វើឲ្យលោកប៊ុនថៃ អនុវត្តន៍តាមគ្មានការងាករេពីគោលការណ៍ទាំងនោះ?
ខេមរៈ សិរីមន្ដ មិនដែលបញ្ជាក់ថាតើអ្នកណាជាអ្នកនៅពីក្រោយភាពជោគជ័យក្នុងអាជីពចម្រៀងនិងធ្វើឲ្យលោកមានជីវភាពធូធារដូចពេលបច្ចុប្បន្ននេះទេ តែតាមព័តមានថាលោកប៊ុនថៃ មានទីប្រឹក្សារពិសេសដល់ទៅ២នាក់នោះគឺបងប្រុសរបស់លោកឈ្មោះខេមរៈ ភារុណ(ខេម ភារុណ) ដែលមានតួនាទីជាអនុប្រធាននាយដ្ឋាននៃក្រសួងការពារជាតិនោះមិនត្រឹមតែជាអ្នកនិពន្ធឲ្យសីរីមន្ដ ច្រៀងបទល្បីៗស្ទើតែគ្រប់បទនោះទេ
តែលោកភារុណ ក៍រ៉ាប់រងការងារឲ្យយោបល់ទៅសិរីមន្ដ ក្នុងការដើរលើផ្លូវជាអ្នកចម្រៀងនេះផងដែរជាង១០ឆ្នាំមកហើយទើបធ្វើឲ្យលោកប៊ុនថៃ ឈជើងក្នុងអាជីពចម្រៀងដោយរលូនជាច្រើនឆ្នាំមកនេះ។ចំណែកទីប្រឹក្សារទី២ របស់លោកលប៊ុនថៃ នោះគឺជាភរិយារបស់លោកអ្នកនាងគួយ ផល្លី នេះឯងដែលអ្នកនាងមិនត្រឹមតែជាអ្នកដឹកនាំសម្ដែងMVបទចម្រៀងរបស់ប្ដីឡើយតែប្រពន្ធអ្នកចម្រៀងល្បីរូបនេះក៍ជាអ្នកឲ្យយោបល់សិរីមន្ដ លើការតុបតែងខ្លួនដែលរួមមានសម្លៀកបំពាក់,ម៉ូដសក់,ក្រវិល… និងការជ្រើសរើសប្លង់ដែលត្រូវថតMVរួមទាំងការជិះរថយន្ដទៅចូលរួមពិធីផ្សេងៗផងដែរ។អ្នកនាងផល្លី ធ្លាប់ថ្លែងសារថារវាងរូបនាងនិងស្វាមីគឺប្រៀបបាន”សំណាបយោងដី ស្រ្ដីយោងបុរស”ដែរ។
ខេមរៈ សិរីមន្ដ បានចាប់ដៃអ្នកនាងគួយ ផល្លី រយៈពេល១៧ឆ្នាំ(២០០៤-២០២១)មកហើយដែលទទួលបានកូន៣នាក់(ស្រី២) ដែលនៅរដូវកូវីដនេះលោកប៊ុនថៃ មិនត្រឹមតែគ្មានវិបត្ដិសេដ្ឋកិច្ចនោះទេតែថែមទាំងកាន់តែហ៊ឺហាតាមរយៈការជិះរថយន្ដទំនើបៗដល់ទៅ៤គ្រឿងឆ្លាស់គ្នាមានដូចជាRolls-Royce, Lexus Lx570 ,Mazda និងVolkswagen ។ប៉ុន្ដែលោកប៊ុនថៃ មិនទាន់វិលទៅរកឆាកតន្រ្ដីវិញនោះទេក្រោយផ្អាកជាង៦ខែដោយសារតែមានតារាមួយចំនួនរបស់ហង្សមាសផ្ទុះកើតកូវីដជាបន្ដបន្ទាប់កាលពីដើមខែមីនាឆ្នាំ២០២១៕
