គ្រូបង្វឹកក្រុមជម្រើសជាតិចិន ប្តេជ្ញាដើរទៅមុខ បន្ទាប់ពីចាញ់កូរ៉េខាងត្បូង

លោក Aleksandar Jankovic គ្រូបង្វឹកក្រុមបាល់ទាត់ជម្រើសជាតិចិនបានប្តេជ្ញាថានឹងរក្សាក្រុម របស់លោក ឱ្យឆ្ពោះទៅមុខបន្ទាប់ពីការចាញ់ម្ចាស់ផ្ទះកូរ៉េខាងត្បូងដោយលទ្ធផល៣-០ក្នុងការប្រកួតជម្រុះ FIFA World Cup ២០២៦ ទ្វីបអាស៊ីកាលពីថ្ងៃអង្គារ។

លោក Aleksandar Jankovic បានប្រាប់សន្និសីទសារព័ត៌មានក្រោយការប្រកួតថាអ្នកគាំទ្រនៅទីក្រុង Shenzhen បានផ្តល់ការស្វាគមន៍យ៉ាងកក់ក្តៅដល់ពួកយើង ហើយខ្ញុំមានអារម្មណ៍សោកស្តាយដែល យើងមិនអាចផ្តល់បីពិន្ទុដល់ពួកគេនៅយប់នេះ។ ក្រុមកូរ៉េខាងត្បូងលេងបានល្អណាស់ ដោយដាក់ពិន័យ ពួកយើងរាល់កំហុសតូចតាចដែលយើងបានធ្វើ។ ខ្ញុំសូមអបអរសាទរចំពោះពួកគេ ។

ការចាញ់ ៣-០ តែងតែឈឺចាប់ ប៉ុន្តែខ្ញុំអាចប្រាកដថា យើងនឹងធ្វើការសន្និដ្ឋានត្រឹមត្រូវពីការប្រកួតនេះ ហើយ បន្តដំណើរទៅមុខទៀត។ ពួកយើងមានការលេងរួមគ្នាខ្លះៗនៅយប់នេះ ដែលមានប្រយោជន៍ខ្លាំងណាស់ សម្រាប់ការប្រកួតនាពេលអនាគតរបស់យើងជាពិសេសនៅក្នុងលក្ខខណ្ឌនៃការរក្សាគ្រប់គ្រងបាល់ ៕