គណបក្សភឿថៃរបស់កូនស្រីពៅរបស់លោកថាក់ស៊ីនដែលបានជាប់ឆ្នោតលំដាប់ទីពីរក្នុងការបោះឆ្នោតសកលកាលពីថ្ងៃអាទិត្យទី១៤ ឧសភា បានសម្រេចបោះបង់គណបក្ស ឆ្ពោះទៅមុខ(MFP)របស់លោកភីតាដែលឈ្នះការ បោះឆ្នោតទៅបង្កើតរដ្ឋាភិបាលចម្រុះថ្មី ។ការធ្វើបែបនេះក៏ដោយសារតែ លោកភីតាបានទទូចឱ្យធ្វើវិសោធនកម្ម ច្បាប់១១២ស្តីពីការប្រមាថ។នេះបើយោងតាមការចេញផ្សាយរបស់កាសែតថៃ បាងកកប៉ុស្តិ៍កាលពីល្ងាច ថ្ងៃអង្គារ ទី២ ខែសីហា ឆ្នាំ២០២៣។
មេដឹកនាំគណបក្សភឿថៃ លោក Cholnan Srikaew បានប្រកាសពីការផ្លាស់ប្តូរនេះ នៅរសៀលថ្ងៃពុធ។គណបក្សទាំងពីរគឺជាតួអង្គសំខាន់នៅក្នុងសម្ព័ន្ធភាពប្រាំបីបក្សដែលបង្កើតឡើងដោយMFPក្នុងគោលបំណង បង្កើតរដ្ឋាភិបាល។ MFP មានអាសនៈសភាចំនួន ១៥១ និងគណបក្សភឿថៃ ១៤១។ សម្ព័ន្ធភាពរបស់ពួកគេមាន ៣១២ អាសនៈក្នុងចំណោម ៥០០នៅសភាជាន់ទាប។
មេដឹកនាំគណបក្សភឿថៃបានប្រាប់សន្និសីទសារព័ត៌មានកាលពីរសៀលថ្ងៃពុធថា បន្ទាប់ពី MFP បរាជ័យក្នុងការ ទទួលបានការគាំទ្រពីសភាដែលត្រូវការ សម្ព័ន្ធភាពប្រាំបីភាគីបានកំណត់ឱ្យភឿថៃទទួល បានការគាំទ្រកាន់តែ ច្រើនពីគណបក្សផ្សេងទៀត និងសមាជិកព្រឹទ្ធសភា ដូច្នេះរដ្ឋាភិបាលអាចបង្កើតបាន។
លោកបណ្ឌិត ជុន ណាន បានមានប្រសាសន៍ថា ពួកគេមិនទទួលយកការផ្លាស់ប្តូរណាមួយចំពោះ មាត្រា១១២ ហើយគណបក្សខ្លះថែមទាំងបាននិយាយថាពួកគេនឹងមិនចូលរួមជាមួយរដ្ឋាភិបាលដែលមានគណបក្សឆ្ពោះទៅមុខទេ។
លោកCholnan បានមានប្រសាសន៍ថា ភឿថៃ និងលោក ស្រេតថា នឹងរក្សាច្បាប់មាត្រា១១២ ឲ្យនៅដដែល ហើយរដ្ឋាភិបាលថ្មីនឹងមិនមានចលនាឆ្ពោះទៅមុខក្នុងសម្ព័ន្ធភាពរបស់ខ្លួនឡើយ។
គណបក្សភឿថៃបានប្រាប់ បក្សឆ្ពោះទៅមុខក្នុងអំឡុងពេលកិច្ចប្រជុំមួយកាលពីព្រឹកថ្ងៃពុធថា ខ្លួនកំពុងដកខ្លួន ចេញពីសម្ព័ន្ធភាពប្រាំបីបក្ស ហើយនឹងតែងតាំងបេក្ខភាពនាយករដ្ឋមន្ត្រីផ្ទាល់ខ្លួនគឺលោកស្រី ស្រេតថាថាវីស៊ីន ។
លោកបានថ្លែងថា ការពិភាក្សាជាមួយនឹងចលនាឆ្ពោះទៅមុខនៅព្រឹក ថ្ងៃពុធត្រូវបានធ្វើឡើងក្នុងបរិយាកាស វិជ្ជមាន។
ភឿថៃនឹងព្យាយាមប្រមូលសំឡេងឱ្យបានគ្រប់គ្រាន់ (នៅក្នុងសភា)ហើយចលនាឆ្ពោះទៅមុខ នឹងស្ថិតនៅក្នុង ក្រុម ប្រឆាំង។លោកនឹងប្រកាសថា តើគណបក្សណាខ្លះនឹងចូលក្នុងក្រុមចម្រុះនៅថ្ងៃព្រហស្បតិ៍។ទោជាយ៉ាងណាក្តីលោកបានសន្យាថានឹងគាំទ្រគោលនយោបាយដែលមានប្រយោជន៍របស់គណបក្សផ្លាស់ទីទៅមុខ ហើយបានថ្លែងថាគណបក្សភឿថៃនឹងមិនប្រកាន់ទេ ប្រសិនបើចលនាឆ្ពោះទៅមុខមិនបោះឆ្នោតឲ្យ លោក ស្រេត ថា៕