ប្រធានសិទ្ធិមនុស្សអង្គការសហប្រជាជាតិ លោក Volker Turk បាននិយាយកាលពីថ្ងៃព្រហស្បតិ៍ថាបុគ្គលិកជំនួយរហូតដល់ ៤០នាក់ត្រូវបានសម្លាប់នៅក្នុងប្រទេសមីយ៉ាន់ម៉ាចាប់តាំងពីរដ្ឋប្រហារយោធាដែលបានទម្លាក់មេដឹកនាំជាប់ឆ្នោតតាមលទ្ធិប្រជាធិបតេយ្យលោកស្រីអ៊ុងស៊ានស៊ូជីក្នុងឆ្នាំ២០២១។
នៅក្នុងរបាយការណ៍មួយទៅកាន់ក្រុមប្រឹក្សាសិទ្ធិមនុស្សរបស់ស្ថាប័ន Turk បានថ្កោលទោស ការវាយប្រហារដោយផ្ទាល់លើបុគ្គលិកជំនួយ ដែលភាគច្រើនធ្វើការឱ្យអង្គការក្នុងស្រុក ចំពេលមានការប្រយុទ្ធគ្នារវាងរបបយោធាដែលនៅពីក្រោយរដ្ឋប្រហារ និងគូប្រជែងរបស់ខ្លួន។លោកបាននិយាយថាការស្លាប់នេះគឺជាផ្នែកមួយនៃកិច្ចខិតខំប្រឹងប្រែងដោយចេតនានិងជាគោលដៅដើម្បីរារាំងជំនួយ។
មនុស្សប្រមាណ១,៥លាននាក់ត្រូវបានផ្លាស់ទីលំនៅពីខាងក្នុងហើយសំណង់ស៊ីវិលប្រមាណ៦០០០០ត្រូវបានគេរាយការណ៍ថាបានឆេះ ឬបំផ្លាញ។មនុស្សច្រើនជាង១៧,៦ លាននាក់ ឬមួយភាគបីនៃចំនួនប្រជាជនសរុប ត្រូវការជំនួយមនុស្សធម៌មួយចំនួន។
ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សបាននិយាយថា ប្រភពដែលអាចជឿទុកចិត្តបានបង្ហាញថា គិតត្រឹមថ្ងៃម្សិលមិញបុគ្គលចំនួន៣៧៤៧នាក់បានស្លាប់នៅក្នុងដៃរបស់យោធាចាប់តាំងពីពួកគេឡើងកាន់អំណាច ហើយ២៣៧៤៧នាក់ត្រូវបានចាប់ខ្លួន៕