ឆ្មាំសមុទ្រអាមេរិកបាននិយាយកាលពីថ្ងៃពុធទី៨មិថុនា ថា ក្រុមអ្នកជំនាញបានរកឃើញសាកសពមនុស្សដែលគេសន្មត់ក្នុងអំឡុងបេសកកម្មស្រង់បំណែកនាវាទីតានដែលបានផ្ទុះសម្លាប់មនុស្ស៥នាក់ក្នុងអំឡុងពេលជ្រមុជចូលទៅក្នុងទឹកជ្រៅដើម្បីទៅទស្សនាខ្មោចកប៉ាល់ទីតានិកដែលលិចតាំងពីឆ្នាំ ១៩១២។
ទីភ្នាក់ងារនេះបាននិយាយថាអ្នកជំនាញផ្នែកវេជ្ជសាស្រ្ដរបស់សហរដ្ឋអាមេរិកនឹងធ្វើការវិភាគជាផ្លូវការអំពីអដ្ឋិធាតុមនុស្សដែលត្រូវបានគេសន្មត់ថាត្រូវបានរកឃើញ ដោយប្រុងប្រយ័ត្ន។ភ្ញៀវទេសចរដែលជាមហាសេដ្ឋីទាំង៥នាក់ត្រូវបានគេសន្មត់ថាបានស្លាប់ភ្លាមៗនៅពេលដែលកប៉ាល់ Titan ដែលមានទំហំប៉ុនរថយន្តSUVបានធ្លាក់ក្រោមសម្ពាធនៃមហាសមុទ្រអាត្លង់ទិកខាងជើងក្នុងជម្រៅជាង៣,២ គីឡូម៉ែត្រជិតទៅដល់កប៉ាល់ទីតានិក។
ក្រុមមន្ត្រីឆ្នាំសមុទ្រអាមេរិកបាននិយាយថាស៊ុមចុះចត និងគម្របខាងក្រោយត្រូវបានរកឃើញក្នុងចំណោមកំទេចកំទីរបស់នាវាមុជទឹកTitan។ បំណែកពីនាវាមុជទឹកដែលធ្លាក់ចូលទៅក្នុងការជ្រមុជទឹកជ្រៅទៅកប៉ាល់ Titanic ត្រូវបានគេយកចេញនៅទីក្រុង St John’s ប្រទេសកាណាដា កាលពីថ្ងៃពុធ។ទីភ្នាក់ងារឆ្មាំសមុទ្រអាមេរិកបាននិយាយថានេះស្ថិតក្នុងដំណាក់កាលដំបូងនៃការស៊ើបអង្កេតលើមូលហេតុនៃគ្រោះមហន្តរាយនេះ។ ក្រុមប្រឹក្សាស៊ើបអង្កេតដែនសមុទ្រ (MBI) នឹងដឹកជញ្ជូនភស្តុតាងទៅកាន់កំពង់ផែសហរដ្ឋអាមេរិកសម្រាប់ការវិភាគនិងការធ្វើតេស្តបន្ថែម៕