កិច្ចចរចាទល់មុខគ្នាលើកដំបូងក្នុងរយៈពេលពីរសប្តាហ៍ចុងក្រោយរវាងរុស្ស៊ីនិងអ៊ុយក្រែនបានចាប់ផ្តើមហើយកាលពីថ្ងៃអង្គារក្នុងទីក្រុងអ៊ីស្តង់ប៊ុលប្រទេសតួកគីដោយសម្រេចបានលទ្ធផល៦ចំនុចសំខាន់ៗដូចខាងក្រោមនេះ៖
១- រុស្ស៊ី យល់ព្រម កាត់បន្ថយការវាយលុក
ក្រសួងការពារជាតិរុស្ស៊ីបានប្រកាសថា កិច្ចចរចានេះនឹងកាត់បន្ថយសកម្មភាពយោធានៅក្នុងផ្នែកខ្លះនៃអ៊ុយក្រែន។ ជាពិសេសបានសន្យាថានឹងកាត់បន្ថយ យ៉ាងខ្លាំងប្រតិបត្តិការរបស់ខ្លួននៅជិតទីក្រុង Chernigov និងរដ្ឋធានី គៀវ ។
២-ការធានាសន្តិសុខមានលក្ខណៈដូចណាតូ
លោកDavidArakhamiaគណៈប្រតិភូអ៊ុយក្រែនបាននិយាយថា ទីក្រុងគៀវបានស្វែងរកការធានាសន្តិសុខស្រដៀងនឹងអ្វីដែលមាននៅក្នុងមាត្រា5នៃសន្ធិសញ្ញាអាត្លង់ទិកខាងជើង(NATO)។លោកបានដាក់ឈ្មោះប្រទេស រុស្ស៊ី អង់គ្លេស ចិន អាមេរិក តួកគី បារាំង កាណាដា អ៊ីតាលី ប៉ូឡូញ និងអ៊ីស្រាអែល ជាអ្នកផ្តល់ការធានាសន្តិសុខដែលអាចធ្វើទៅបាន។ លោកបានបន្តថា ពួកគេមួយចំនួនបានផ្តល់កិច្ចព្រមព្រៀងបឋមរបស់ពួកគេរួចហើយ។
៣-គ្មានប្លុកយោធា និងគ្មាននុយក្លេអ៊ែរ
លោក Medinsky បាននិយាយថា នៅក្នុងសំណើនេះ អ៊ុយក្រែនបានសន្យាថានឹងមិនចូលរួមជាមួយសម្ព័ន្ធមិត្តយោធាណា មួយមិនមែនធ្វើជាម្ចាស់ផ្ទះឬមូលដ្ឋានយោធាបរទេសនោះទេ។ សូម្បីតែសមយុទ្ធយោធាក៏តម្រូវឱ្យមានការយល់ព្រមជាមុនពីប្រទេសអ្នកធានាសន្តិសុខទាំង៨ខាងលើ។នេះ បើយោងតាមសំណើនេះ។ មន្ត្រីរូបនេះបានបន្ថែមថា ក្រុងគៀវក៏បានសន្យាថានឹងមិនស្វែងរកការទទួលបានអាវុធប្រល័យលោក រួមទាំងអាវុធនុយក្លេអ៊ែរផងដែរ។ប៉ុន្តែជាថ្នូរត្រឡប់មកវិញអ៊ុយក្រែនសុំឲ្យរុស្ស៊ីមិនជំទាស់នឹងការចូលជាសមាជិក EU នៅថ្ងៃណាមួយ។
៣-តំបន់គ្រីមៀនិងដូនបាស់(Crimea, Donbass មិនបានដោះស្រាយទេ
យោងតាម Medinsky ទីក្រុងគៀវបានយល់ព្រម ផ្អាកសកម្មភាពរយៈពេល 15 ឆ្នាំលើស្ថានភាពនៅគ្រីមៀ ហើយភាគីទាំងពីរនឹងសន្យាថានឹងមិនប្រើប្រាស់កម្លាំងយោធាដើម្បីដោះស្រាយនោះទេ។ នេះមិនត្រូវគ្នានឹងជំហររបស់រុស្ស៊ីដែលថាគ្រីមេគឺជាផ្នែកនៃទឹកដីរបស់ខ្លួននោះទេ ហើយក្រុងគៀវត្រូវទទួលស្គាល់វាដូចនោះ។បេសកជនរុស្ស៊ីបាននិយាយថា អ៊ុយក្រែនក៏បានព្យាយាមបញ្ចូល ផ្នែកនៃតំបន់ Donetsk និង Lugansk ទៅក្នុងនិយមន័យនៃទឹកដីរបស់ខ្លួន ក្នុងគោលបំណងធានាសន្តិសុខក៏ប៉ុន្តែទីក្រុងមូស្គូបានទទួលស្គាល់ ជាផ្លូវការនូវសាធារណរដ្ឋប្រជាមានិត Donetsk និង Luganskជារដ្ឋអធិបតេយ្យភាពនៅក្នុងព្រំដែនតំបន់ពេញលេញ របស់ពួកគេប៉ុន្មានថ្ងៃមុនពេលបញ្ជូនកងទ័ពចូលទៅក្នុងអ៊ុយក្រែនកាលពីខែមុន។
៥-បញ្ហាព្រំដែន
Medinsky បាននិយាយថា ទីក្រុងគៀវ មិនបានបញ្ជាក់ថាតើខ្លួននឹងបោះបង់ការទាមទារទឹកដីរបស់ខ្លួនទៅឱ្យពួក សារណៈរដ្ឋDonetsk និង Lugansk ដែលផ្តាច់ខ្លួននោះទេខណៈអ៊ុយក្រែនបានគ្រប់គ្រងមួយផ្នែកធំនៃទាំងDonetskនិងLuganskហើយចាត់ទុកតំបន់ទាំងនោះជាទឹកដីរបស់ខ្លួន។
លោកArakhamia បានបញ្ជាក់យ៉ាងច្បាស់ថា ក្រុងគៀវនឹងអះអាងនូវអធិបតេយ្យភាពលើទឹកដីទាំងមូល ដែលអ៊ុយក្រែនមាននៅពេលប្រកាសឯករាជ្យនៅឆ្នាំ ១៩៩១ ដោយនិយាយថាមិនអាចមានការសម្របសម្រួលលើចំណុចនេះទេ។
៦-លក្ខខណ្ឌថ្មីសម្រាប់កិច្ចប្រជុំ ហ្សេឡិនស្គី-ពូទីន
ទីក្រុងម៉ូស្គូបានយល់ព្រមរៀបចំកិច្ចប្រជុំរវាងលោកពូទីន និងសមភាគីអ៊ុយក្រែនលោក ហ្សេឡិនស្គីដែលជាផ្នែកមួយនៃដំណាក់កាលចុងក្រោយនៃការចរចាលើសន្ធិសញ្ញាសន្តិភាពនាពេលអនាគត។ វិមានក្រឹមឡាំងធ្លាប់បាននិយាយថា កិច្ចប្រជុំបែបនេះអាចកំណត់ពេលបាន លុះត្រាតែឯកសារនេះត្រូវបានបញ្ចប់និងចុះហត្ថលេខាដោយរដ្ឋមន្ត្រីការបរទេសរៀងៗខ្លួន។