ក្រសួងសុខាភិបាលកម្ពុជា បានចេញសេចក្តីប្រកាសថា និងយកអតីតសណ្ឋាគារអាំងទែរកុងទីណង់តាល់ ជាមន្ទីរពេទ្យសម្រាប់ពិនិត្យ ថែទាំ និងព្យាបាលអ្នកជំងឺកូវីត១៩។
នៅក្នុងសេចក្តីប្រកាសនោះ បានបញ្ជាក់ថា ដើម្បីបញ្ចៀសនូវការចម្លងក្នុងសហគមន៍ជាយថាហេតុ រាជរដ្ឋាភិបាលបានឲ្យក្រសួងសុខាភិបាលសហការជាមួយកងកម្លាំងសុខាភិបាលនៃកងយោធពលខេមរៈភូមិន្ទរបស់ក្រសួងការពារជាតិ និងកងកម្លាំងសុខាភិបាលនៃនគរបាលជាតិរបស់ក្រសួងមហាផ្ទៃ ដើម្បីរួមសហការគ្នាប្រយុទ្ធប្រឆាំងនឹងជំងឺកូវីត១៩ ឲ្យកាន់តែមានប្រសិទ្ធភាព។
សេចក្តីដូចបានជំរាបជូនខាងលើ សូមសាធារណៈជនមេត្តាជ្រាប និងរក្សាភាពនឹងនរក្នុងចិត្ត កុំមានការភ័យខ្លាច ជឿទុកចិត្តលើវិធនាការប្រយុទ្ធនឹងជំងឺកូវីត១៩ នេះ របស់រាជរដ្ឋាភិបាល៕