ភ្នំពេញ៖មិនមែនជារឿងចៃដន្យឡើយដែលថ្មីៗនេះពធីការិនីល្បីល្បាញអ្នកនាងគង់ សុជាតិ បានចេញសារដល់ទៅ២ដងនៅលើហ្វេសបុកតបទៅមនុស្សម្នាក់ដែលគេជឿរថាជាអ្នកនាងចាន់ កែវនិមល។តាមពិតមិនមែនសុខៗអ្នកនាងសុជាតិ ចេញសារនោះទេ តែអ្នកតាមដានរឿងនេះថាគឺវាផ្ដើមមុនពីអ្នកនាងចាន់កែវ និមល បញ្ចេញទស្សនៈកាលពីថ្ងៃទី២ វិច្ឆិកា ថា”កុំព្យាយាមប្រាប់គេថាយើងជាមនុស្សមានសំណាង ជាមនុស្សមានក្ដីសុខ ជាមនុស្សស្រីដែលប្ដីស្រលាញ់ខ្លាំងអី ព្រោះពេលព្យាយាមនិយាយកាន់តែច្រើន បញ្ជាក់ថាយើងខ្វះទាំងអស់នោះកាន់តែច្រើន “។រំលងបានតែ១ថ្ងៃគត់ពោលគឺនៅថ្ងៃទី៣ វិច្ឆិកា អ្នកនាងគង់ សុជាតិ បានថ្លែងសារដោយប្រយោលថា”មានគេប្រាប់ខ្ញុំថាពិភពលោកនេះស្រស់ស្អាតណាស់ តែគេកំពុងតែផាត់ព័ណខ្មៅឲ្យអ្នក ហើយអ្នកខ្លះទៀតប្រាប់ខ្ញុំថាពិភពលោកនេះព័ណខ្មៅតែគេកំពុងតែថែមព័ណស្រស់បំព្រងឲ្យអ្នកដូចគ្នា…ដូច្នេះសម្រាប់ខ្ញុំកុំសូវស្ដាប់ពេកតែត្រូវព្យាយាម ស្វែងយល់ពីការពិតអោយបានច្រើន “។
Fan របស់អ្នកនាងគង់ សុជាតិ បានចូលទៅខមិនសួរថាតើនាងមានរឿងអី ?និងខ្លះទៀតបារម្ភខ្លាចនាងមានបញ្ហាក្នុងគ្រួសារត្រូវគេតាមព្យាបាទទាក់ទងរឿងចាស់ទៀតផង។នៅថ្ងៃទី៤ វិច្ឆិកា អ្នកនាងសុជាតិ បានបន្ថែមសារថ្មីមួយទៀតថា”អ្នកធ្វើល្អដាក់ខ្ញុំ…ខ្ញុំធ្វើល្អដាក់អ្នកវិញ ចុះអ្នកធ្វើអាក្រក់ដាក់ខ្ញុំ អ្នកសំអាងអីចង់ឲ្យខ្ញុំធ្វើល្អដាក់អ្នកនោះ ? ខ្ញុំជាមនុស្សខ្ញុំមានអារម្មណ៍ដឹងថា អ្នកណាល្អពិត អ្នកណាល្អតែនិងមុខ ហើយពេលខ្លះទឹកមុខខ្ញុំវាមិនចេះសម្ដែង វាច្រើនតែស្ដែងឲ្យអ្នកឃើញ ព្រោះខ្ញុំអត់ចេះសម្ដែងដូចអ្នកណាទេ “។
ថ្វីត្បិតតែអ្នកនាងគង់ សុជាតិ ក៍ដូចជាចាន់ កែវនិមល មិនបញ្ជាក់ថាអ្នកទាំងពីរចេញសារយ៉ាងយ៉ាងស៊ីជម្រៅទាំងនេះទៅអ្នកណាត្រង់ៗក្ដី ប៉ុន្ដែវាហាក់ដូចជាគាប់ជូនគ្នាពេក ទើបអ្នកលេងបណ្ដាញសង្គមជាច្រើនបានចែកចាយនិងយល់ថាសុជាតិ ពិតជាបានឆ្លើយតបទៅកែវនិមល ដែលចង់ផ្លែផ្កាដាក់នាងនោះឯង ។ការចេញសារបុកគ្នារបស់អ្នកនាងគង់ សុជាតិ តបទៅចាន់ កែវនិមល នាពេលនេះនាំឲ្យតារាសិល្បកររួមអាជីពជាច្រើនបាននឹកដល់រឿងចាស់ដែលសុជាតិ មានការអត់ធ្មត់ច្រើន ក្រោយស្វាមីដែលនាងបានរៀបការស្របច្បាប់បែជាផ្ទុះរឿងស្នេហាក្រៅឆាកជាមួយអ្នកនាងចាន់ កែវនិមល ផ្អើលពេញផ្ទៃប្រទេស ប៉ុន្ដែនៅទីបំផុតសុជាតិ-វិបុល នៅតែរក្សារចំណស្នេហាបានយ៉ាងរឹងមាំ ហើយថ្មីៗនេះតាមប្រភពថាលោកវិបុល ប្រកាសថាលោកស្រលាញ់តែភរិយានិងកូនលោក នារីផ្សេងមិនអាចប្រៀបភរិយាលោកបានជាដាច់ខាត ។
គូររំលឹកថារំលឹកថាកាលពីពាក់កណ្ដាលឆ្នាំ២០២០ ស្វាមីក្មេងសុជាតិ គឺបុរសរូបសង្ហារលោកជា វិបុល បានបែកធ្លាយរឿងលោកនិងអ្នកនាងចាន់ កែវនិមល លួចបង្កាត់ភ្លើងស្នេហាជាមួយគ្នានៅក្រៅឆាកធ្វើឲ្យមហាជនភ្ញាក់ផ្អើលយ៉ាងខ្លាំង ។ក្រោយធ្លាយរឿងធំបែបនេះថៅកែហង្សមាសបានបំបែកកែវនិមល លែងឲ្យចាប់ដៃគ្នាជាមួយលោកវិបុល ទៀតព្រោះខ្លាចផ្ទុះរឿងធំម្ដងទៀត អ្នកដែលរងទុក្ខគឺភរិយាពិតប្រាកដអ្នកនាងសុជាតិ ទើបធ្វើឲ្យនិមល បាត់បង់តំណែងធំៗនៅហង្សមាសជាច្រើនកម្មវិធីបណ្ដាលឲ្យនាងលែងសូវលេចធ្លោដូចមុនទៀត ។ប៉ុន្ដែដឹងអីស្រាប់តែពេលនេះអ្នកលេងបណ្ដាញសង្គមខ្លះយល់ថាកែវនិមល ចង់បញ្ឆេះរឿងស្នេហាដ៍រសើបនោះឲ្យផ្ទុះសារជាថ្មីទៅវិញ ។ដោយឡែកលោកជា វិបុល វិញនៅលើហ្វេសបុករបស់លោកគ្មានប្រតិកម្មអ្វីទាំងអស់ ពាក់ព័ន្ធរឿងមួយនេះ។
គង់ សុជាតិ នៅតែត្រូវប៉ាន់ក្នុងអាជីពជាMC តាមបណ្ដារកម្មវិធីAgency ធំៗដែលអាចរកលុយបានជាច្រើនក្នុង១ខែៗពីអាជីពសិល្បៈ ស្របពេលដែលហាងរក្សារសម្រស់របស់នាងបានតំណើរការជាង២០ឆ្នាំមកហើយនោះបានពង្រីកសាខាថ្មីនាពេលថ្មីៗនេះផងដែរ ។ ។ចំណែកអ្នកនាងកែវនិមល វិញនៅមិនទាន់ដឹងថាថៅកែហង្សមាសនឹងអាចប្រគល់តំណែងដែលនាងបាត់បង់នោះឲ្យនាងវិញនាពេលណាឡើយ ។
ជុំវិញរឿងរ៉ាវអ្នកនាងគង់ សុជាតិ ឆ្លើយតបសារយ៉ាងចាក់ដោតទៅអ្នកនាងចាន់ កែវនិមល នេះអ្នកយកព័តមានយើងមិនទាន់អាចសុំការបំភ្លឺពីពិធីការិនីទាំងពីរដួងខាងលើបានទេ ហើយយើងរងចាំការបកស្រាយពីភាគីពាក់ព័ន្ធជានិច្ច។
ទស្សនិកជនរងចាំមើលថាសង្គ្រាមសារវាងអ្នកនាងគង់ សុជាតិ -ចាន់ កែវនិមល អាចឡើងកម្ដៅរីកធំជាថ្មីម្ដងទៀត ឬក៍ភ្លើងនោះអាចរលត់ទៅវិញ ?
