ក្រសួងការពារជាតិរកោះតៃវ៉ាន់បាននិយាយកាលពីថ្ងៃសុក្រ ទី ២៨ខែ មេសា ថា យន្តហោះចម្បាំងចិនប្រភេទថ្មី ដែលប្រព័ន្ធផ្សព្វផ្សាយរដ្ឋរបស់ចិននិយាយថា អាចផ្ទុកអាវុធធុនធ្ងន់បានហោះហើរជុំវិញកោះតៃវ៉ាន់។នៅក្នុងការធ្វើបច្ចុប្បន្នភាពពត៌មានប្រចាំថ្ងៃរបស់ខ្លួនអំពីសកម្មភាពយោធារបស់ចិនពី ២៤ម៉ោង ក្រសួងការពារជាតិតៃវ៉ាន់ បាននិយាយថា យន្តហោះយោធាចំនួន ១៩ គ្រឿងបានចូលទៅក្នុងតំបន់កំណត់អត្តសញ្ញាណការពារដែនអាកាសរបស់ខ្លួន។
យន្តហោះមួយក្នុងចំណោមយន្តហោះទាំងនោះ គឺជាយន្តហោះគ្មានមនុស្សបើកប្រភេទ TB-001 ដែលបានហោះជុំវិញកោះតៃវ៉ាន់ ដោយដំបូងឡើយឆ្លងកាត់ប៉ុស្តិ៍ Bashi ដែលបំបែកតៃវ៉ាន់ពីហ្វីលីពីនបន្ទាប់មកឡើងទៅភាគខាងកើតនៃកោះតៃវ៉ាន់ មុនពេលឆ្លងកាត់ត្រឡប់ទៅឆ្នេរសមុទ្រចិនវិញ នេះបើយោងតាមផែនទីផ្តល់ដោយក្រសួងការពារជាតិ។
ប្រទេសចិន ដែលចាត់ទុកតៃវ៉ាន់ថាជាដែនដីរបស់ខ្លួននោះ បានបង្កើនសម្ពាធយោធាលើកោះប្រជាធិបតេយ្យ ក្នុងរយៈពេលបីឆ្នាំចុងក្រោយនេះខណៈដែលខ្លួនព្យាយាមបង្ខំឱ្យតៃប៉ិទទួលយកការទាមទារអធិបតេយ្យភាពរបស់ទីក្រុងប៉េកាំង។
ក្នុងខែនេះប្រទេសចិនបានរៀបចំល្បែងសង្រ្គាមជុំវិញកោះតៃវ៉ាន់ បន្ទាប់ពីប្រធានាធិបតីតៃវ៉ាន់ លោកស្រីធីសៃ អ៊ីងវេន ទៅទីក្រុងLosAngelesជួបជាមួយប្រធានសភាតំណាងសហរដ្ឋអាមេរិក Kevin McCarthy ។រដ្ឋាភិបាលរបស់កោះតៃវ៉ាន់ ច្រានចោលការទាមទារអធិបតេយ្យភាពរបស់ចិន ហើយនិយាយថាមានតែប្រជាជនកោះនេះទេដែលអាចសម្រេចចិត្តអនាគតរបស់ពួកគេ៕