ប្រធានាធិបតីអាមេរិកលោកចូបៃដិននិងសមភាគីកូរ៉េខាងត្បូង យុនស៊ុក យុលបានព្រមានកូរ៉េខាងជើងថាប្រសិនបើទីក្រុងព្យុងយ៉ាងប្រើប្រាស់ឃ្លាំងអាវុធរបស់ខ្លួន ខ្លួននឹងប្រឈមមុខនឹងការឆ្លើយតបនុយក្លេអ៊ែរ និង ឈានទៅរកការបញ្ចប់របបដឹកនាំលោកគីមជុងអ៊ុងតែម្តង។
លោក បៃដិន បានប្រាប់អ្នកយកព័ត៌មាននៅងសន្និសីទសារព័ត៌មានរួមគ្នាជាមួយ លោកយុនថា ការវាយប្រហារនុយក្លេអ៊ែររបស់កូរ៉េខាងជើងប្រឆាំងនឹងសហរដ្ឋអាមេរិក ឬសម្ព័ន្ធមិត្តរបស់ខ្លួន… នឹងនាំឱ្យរបបនេះត្រូវបញ្ចប់។
លោកយុនក៏បាននិយាយថាអាទិភាពរបស់លោកគឺការធានាសន្តិភាពតាមរយៈ ឧត្តមភាពនៃកងកម្លាំងដ៏លើសលប់ និងមិនមែនជាសន្តិភាពក្លែងក្លាយដោយផ្អែកលើសុច្ឆន្ទៈរបស់ភាគីម្ខាងទៀត។
លោកបាននិយាយថានៅក្នុងព្រឹត្តិការណ៍នៃការវាយប្រហារនុយក្លេអ៊ែររបស់កូរ៉េខាងជើងថា ទីក្រុងវ៉ាស៊ីនតោន និងទីក្រុងសេអ៊ូលបានយល់ព្រម ឆ្លើយតបយ៉ាងរហ័ស លើសលប់និងដាច់ខាតដោយប្រើប្រាស់កម្លាំងពេញលេញនៃសម្ព័ន្ធមិត្តរួមទាំងអាវុធនុយក្លេអ៊ែររបស់សហរដ្ឋអាមេរិក។
នៅក្នុងការអបអរសាទរមួយលោកបៃដិនបានរំលឹកពីការលះបង់របស់ទាហានអាមេរិកដើម្បីជួយប្រយុទ្ធប្រឆាំងនឹងកុម្មុយនិស្តភាគខាងជើងកំឡុងសង្គ្រាមកូរ៉េឆ្នាំ 1950-1953 ហើយបាននិយាយថាប្រទេសរបស់ពួកគេត្រូវបានចងភ្ជាប់ដោយ ជំនឿលើលទ្ធិប្រជាធិបតេយ្យ សេរីភាព សន្តិសុខ និងលើសពីជំនឿគ្នាទៅវិញទៅមកលើសេរីភាព៕