អាជ្ញាធរប្រទេសវៀតណាមបានបិទច្រកព្រំដែនត្រពាំងផ្លុង ខេត្តត្បូងឃ្មុំ បណ្តើអាសន្ន នៅថ្ងៃទី១៨ ខែមីនា ឆ្នាំ២០២០នេះទៅហើយ រាល់ទំនិញចេញចូលទាំអអស់ត្រូវរាំងស្ទះពេញព្រំដែន។
ការបិទព្រំដែននេះ បន្ទាប់ពីក្រសួងសុខាភិបាលប្រទេសកម្ពុជា រកឃើញជនជាតិខ្មែរឥស្លាម២នាក់ មានផ្ទុកមេរោគកូវីដ-១៩។
យ៉ាងណា នាយឧត្តមសេនីយ៍ គៀត ច័ន្ទថារិទ្ធ អគ្គនាយក នៃអគ្គនាយកដ្ឋានអន្តោប្រវេសន៍ បញ្ជាក់ប្រាប់ថា រដ្ឋាភិបាលវៀតណាម បានសម្រេចបិទច្រកព្រំដែនមួយចំនួនជាបណ្តោះអាសន្នជាមួយប្រទេសកម្ពុជា នៅថ្ងៃទី១៨ ខែមីនា ឆ្នាំ២០២០ ដើម្បីទប់ស្កាត់នឹងការឆ្លងជំងឺកូវីដ១៩ហើយ រហូតមកដល់ពេលនេះ ពលរដ្ឋខ្មែរដែលនៅជាប់ព្រំដែនដែលចង់ចូលទៅវៀតណាម នឹងត្រូវដាក់ឱ្យនៅដាច់ដោយឡែក១៤ថ្ងៃសិន មុននឹងអនុញ្ញាតឱ្យចូល។
គួរបញ្ជាក់ថា ជនជាតិខ្មែរឥស្លាមចំនួន៧៩នាក់បានចេញពីប្រទេសកម្ពុជា ធ្វើដំណើរទៅកាន់ទីក្រុងកូឡាឡាំពួរ ប្រទេសម៉ាឡេស៊ី ដើម្បីចូលរួមពិធីសាសនានៅទីនោះ។
ក្រោយពេលពួកគេត្រឡប់ចូលក្នុងប្រទេសវិញ ក្រសួងសុខាភិបាល បានរកឃើញមនុស្ស១៧នាក់បានផ្ទុកមេរោគកូវីដ-១៩ ក្នុងនោះក្នុងខេត្តត្បូងឃ្មុំមាន២នាក់៕